Այդ ի՞նչ եղանակով է կարողացել Բարաղամյանը անփոխարինելի դառնալ Տարոն Մարգարյանի կաբինետի համար
2018-02-14 14:20:00

 Երևանցիների մի մասի անլուծելի խնդիրը բարձրաձայնելուն ուղղված «Երկիր ծիրանի»-ի՝ քաղաքապետարանում կազմակերպած բողոքի վերջին ակցիան, բանից պարզվում է, առիթ է դարձել, որպեսզի որոշ պնակալեզներ՝ հատկապես իգական սեռի և ոչ միայն, սկսեն լուրջ դեմքով ստատուսներ տեղադրել սեփական ֆեյսբուքյան էջերին, կիսվել իրենց պես մտածողների մտքերով ու իրենց խիստ օրինապաշտ ձևացնել: 
Կարևոր է իմանալ, սակայն, որ նրանք բոլորն այսպես թե այնպես կապված են իշխանական ՀՀԿ-ի հետ, ինչն ի չիք է դարձնում նմանների ունեցած կարծիքի արժեքը, քանի որ մտածում ու գրում են ընդամենն այն, ինչ նրանց վերևից՝ այս պարագայում քաղաքապետարանից հրահանգվում է:

Երևի շատերը լսած կլինեն Մարիա Բարաղամյան անունով Տարոն Մարգարյանի օգնականի մասին, ով, ի դեպ, առավելապես հայտնի է սեփական շեֆի թելադրանքով թաղապետերի դեմ կոմպրոմատներ հավաքագրելով ու դրանք հարմար պահին մեջտեղ բերելու իր արատավոր գործունեությամբ: 
Եվ, ահա, բանից պարզվում է, որ սա նույնպես մաս է կազմում ֆեյսբուքցիների այն խմբի, որը միանգամայն արհեստականորեն ամեն գնով ջանում է քաղաքապետարանի գործունեության մասին դրական պատկերացումներ ձևավորել ոչ միայն երևանցիների՝ այլև սփյուռքահայերի շրջանում, կոծկել այն տոտալ անտարբերությունը, որ մի շարք սուր հարցերի վերաբերյալ առկա է այս կառույցում: 
Հենց այս նպատակից ելնելով էլ՝ Բարաղամյանն, ում՝ քաղաքապետարանում արած կարիերայի տարօրինակ վերելքի առեղծվածն այդպես էլ շատերի համար մինչ այժմ մնում է անլուծելի, սոցիալական ցանցում լծվել է բռի ՀՀԿ-ականների գարշելի արարքի՝ կնոջ դեմ բռնություն գործադրելու արդարացման գործին: 
Ինքն, առնվազը սեռապես հանդիսանալով կին արարած, պաշտպանում ու արդարացնում է այն որձերին, ովքեր հանիրավի կերպով ապտակ էին հասցրել «Երկիր ծիրանի»-ի անդամին՝ այդպիսով ինքն իրեն հավասարեցնելով պլենտուզին:
Բարաղամյանի ճիճինի գալու փաստն (Ճիճին ածե՝ կուկուն՝ տանե), ինչ խոսք, միանգամայն մեկնելի երևույթ պետք է գնահատել: Մարդը փորձում է ապացուցել, որ ՀՀԿ թիմի հավատարիմ անդամ է, դեռևս Դավիթաշենի ՀՀԿ-ական երիտթեևի նախագահ ժամանակահատվածից սկսած, որ ինքն էլ կարող է հարկ եղած դեպքում քյալլա տալ բոլոր նրանց դեմ, ովքեր կհանդգնեն կասկածի տակ առնել քաղաքապետարանի ու, մասնավորապես, ՀՀԿ-ական ավագանու վարքն ու գործունեությունը: 
Հարցն այստեղ, պարզապես, այն է, թե արդյոք միայն ստատուսներ գրելով կամ կասկածելի հեղինակների կողմից նույնքան կասկածելի գրառումներով կիսվելը բավակա՞ն է, որպեսզի սույն տիկնոջ առջև շարունակեն բաց մնալ ասենք նույն Եվրոպայի ու Ամերիկայի դռները, իսկ կյանքի թանկ հաճույքներն էլ լինեն միանգամայն հասանելի և ամենակարևորն՝ ո՞ւմ փողերով:
 Հետաքրքիր է՝ այդ ի՞նչ եղանակով է կարողացել Բարեղամյանը անփոխարինելի դառնալ Տարոն Մարգարյանի կաբինետի համար: 
Այս ամենը ևս մեկ անգամ փաստում է այն գարշելի իրականությունը, որ որոշ պետական կառույցներում առաջ գնալու կամ առնվազն ունեցած դիրքը պահպանելու համար կարևորվում են ոչ թե մարդու անձնային հատկանիշները, բարոյականությունն, այլ սեփական շեֆին ամեն գնով «մտնելը», ունակությունը՝ սրա-նրա դեմ հորինովի փաստեր հավաքագրելու ու հարկ եղած դեպքում շանտաժի ենթարկելու: Իսկ այս ամենից առավել այսօր գնահատվում են ֆիզիկական բարեմասնությունները, որոնցից օգտվում են բոլոր նրանց շեֆերը, որոնց համար կյանքում միայն մեկ արժեք գոյություն ունի՝ փողը:
Տեղեկացնենք նաև, որ սույն տիկնոջ՝ Մարիա Բարաղամյանի մասին մոտ օրերս հանրությանը կներկայացնենք փաստեր՝ խմբակային հանցագործության մասին, որի գլխավոր մասնակիցներից է նա, մի աղմկահարույց պատմության, ինչով ամիսներ շարունակ հետաքրքրված են ՀՀ Քննչական Կոմիտեն , ինչպես նաև ԱՄՆ Դաշնային ծառայությունները:

 Նշենք, որ Երևանի ավագանու նիստին, փետրվարի 13-ին տեղի ունեցած միջադեպի օրը, քաղաքապետի օգնականը ժամանակ չկորցնելով Ֆեյսբուքյան իր էջում ցինիկ գրառումներ է կատարել:

Այս նյութը դիտել են - 33251 անգամ