Չորս նախարարներ փախան կառավարության շենքից
2016-02-12 10:11:00

http://usarmenianews.com/files/4354556d/1240/158f02688e3578b703.jpgՆախարարները շարունակում են խախտել վարչապետ Հովիկ Աբրահամյանի և աշխատակազմի ղեկավար-նախարար Դավիթ Հարությունյանի տարեվերջյան հրահանգը՝ կառավարության նիստից հետո պատասխանել լրագրողների հարցերին։ Այդ իմաստով այսօր աչքի ընկան 4 նախարարներ։ Նրանք ռիսկով անցան լրագրողների կողքով, և զոռ տվեցին ոտքերին։ 1.Ֆինանսների նախարարի առաջին տեղակալ Պավել Սաֆարյանը։ Նա հեգնալից դեմքով ճեղքեց լրագրողների շարքը և անհետացավ։ 2. Էներգետիկայի և բնական պաշարների նախարար Երվանդ Զախարյանը։ Նա նույնիսկ չնայեց իրեն գլխավոր մուտքի մոտից ձայն տվող լրագրողներին և ինչպես միշտ դուրս եկավ հետին մուտքով։ 3. Կենտրոնական բանկի նախագահի տեղակալ Ներսես Երիցյանը։ Սա, տեսախցիկներից փախչելու մի անմիտ պատասխան նետեց լրագրողների կողմ․ «Ես «Ազատությանը» արդեն հարցազրույց տվել եմ»։ 4. Էկոնոմիկայի նախարար Կարեն Ճշմարիտյանը։ Նա հեռացավ առանց բառ իսկ ասելու։ Երևի, արդեն ատում է լրագրողներին, որոնք մոտենալուն պես նրան հարցնում են․ «Ե՞րբ եք հեռանալու պաշտոնից»։

Սյուզան Սիմոնյան / hraparak.am

Այս նյութը դիտել են - 1510 անգամ