«Հայաստան համահայկական հիմնադրամի» հաշվին փոխանցվել է ընդամենը 21 մլն դոլար գումար.Իսկ ո՞ւր են մեր օլիգարխների միլիոնները.«Հրապարակ»
2020-10-04 05:35:00
2020-10-04 05:35:00
«Հրապարակ».Սեպտեմբերի 27-ին, երբ Ադրբեջանի սանձազերծեց պատերազմ Արցախի ու Հայաստանի դեմ, «Հայաստան համահայկական հիմնադրամը» սկսեց դրամահավաք՝ ուղղված հայրենիքի պաշտպանությանը, սահմանին ու զինվորին։
Արդեն յոթերերդ օրն է, ինչ պատերազմ է և դրան զուգահեռ՝ դրամահավաք, և այս յոթ օրերի ընթացքում «Հայաստան համահայկական հիմնադրամի» հաշվին փոխանցվել է ընդամենը 21 մլն դոլար գումար։ Հիմադրամի կայքում ավելի ստույգ գրված է՝ 21,571,647.25 դոլար։Այս նյութը դիտել են - 1705 անգամ
Սա, բնականաբար, շատ փոքր գումար է պատերազմող երկրի համար, որն այսօր միլիոնավոր դոլարներ է ծախսում թշնամու սանձազերծած պատերազմին դիմագրավելու և հաղթանակի հասնելու համար։ Դա գիտակցում են նաև իշխանությունները։ Այդ է պատճառը, որ «Իմ քայլի» տարբեր պատգամավորներ, անգամ ԱԺ նախագահ Արարատ Միրզոյանի կինը իրենց ֆեյսբուքյան էջերում քանի օր է՝ տեղադրում են դրամահավաքի արդյունքներն ու կոչ անում էլի հանգանակությւոններ կատարել, որովհետև դա քիչ է։ նույն Գոհար Աբաջյանն անգամ ինչ-որ հաշվարններ էր ներկայացրել, ըստ որոնց՝ Հայաստանի ու Արցախի վրա պատերազմի ամեն օրն ավելի քան $30 մլն է նստում, մինչդեռ պատերազմի 5 օրում մենք հավաքել էինք ընդամենը 18մլն դոլար։ Այսօր՝ 3 մլն ավելի։
Նույն կոչով դիմել էր նաև «Իմ քայլի» պատգամավոր Արմեն Խաչատրյանը, որ հավաքված գումարը շատ քիչ է մեր ազգային ներուժի համեմատ:
Եվ, իսկապես, ինչո՞ւ է այսքան քիչ գումար հահաքվել այս օրհասական պահին, երբ մենք իսկապես կյանքի ու մահվան կռիվ ենք մղում թշնամու դեմ, և մեր ամեն մի լուման որոշիչ է այստեղ: Շատերի մոտ է հարց առաջանում՝ ո՞ւր են մեր օլիգարխների միլիոնները, որոնցից ամեն մեկի կարողությունը մի քանի անգամ գերազանցում է հավաքված 21 մլն դոլարը: Խոսքը ընդդիմադիր, իշխանական ու ոչ իշխանական օլիգարխների մասին է՝ սկսած նրանցից, ովքեր այսօր քրեական գործերով են անցնում, վերջացրած՝ «անմեղներով» ու իսկապես անմեղներով: Էլ չենք խոսում սփյուռքի մասին, որտեղ բազմաթիվ խոշոր գործարարներ ունենք, ովքեր դոլարով միլիոնատերեր են և հսկայական կարողություն ունեն:
Իհարկե, այս օրերին թե՛ Հայաստանի, թե՛ սփյուռքի տարբեր գործարարներ, փող ունեցող քաղաքական ու ապաքաղաքական դեմքեր տարատեսակ օգնություններ ցուցաբերեցին Արցախին ու ռազմաճակատին, գումարներ փոխանցեցին, սնունդ և այլ անհրաժեշտ ապրանքներ ուարկեցին Արցախ, այստեղ Արցախից տեղափոխված ընտանիքների կեցության հարցերն են ապահովում: Բայց այդքանով հանդերձ, երբ նայում ենք հավաքված գումարի չափին, հասկանում ենք, որ մենք մեր ունեցած ներուժի շատ չնչին մասն ենք օգտագործում: