Հող հայրենի....Լուսինե Աբրահամյան
2016-02-18 21:07:00

Լուսինե Աբրահամյանը սովորում է Արցախի Պետական Համալսարանի Մանկավարժության ֆակուլտետում: Գրում է բանաստեղծություններ և տպագրվում է տարբեր թերթերում:  

USArmenianews.com-ը սիրով տպագրում է Լուսինե Աբրահամյանի բանաստեղծություններից մեկը:

 Հող հայրենի

 Լեռների մեջ հանգրվանած
 Դու քարակերտ մի ամրոց ես
 Տուն հայրենի,
 Հողիդ կանչը թող գիրկդ բերի
 Քո զորավոր զավակներին:
 Ամեն քարդ ու խաչքարդ
 Խոսել գիտի,
 Քո աղբյուրի կաթիլ ջուրը
 Հոսել գիտի,
 Քո ծաղկունքը մի զարթոնք է,
 Թո պաղ ջուրը մի արբունք է
 Հող հայրենի...
 Պարզ ու լազուր քո երկինքը,
 Առվակներդ ջինջ ու մաքուր,
 Ու լանջերիդ ծաղկազարդը պատկերավոր
 Բուրաստան է մի երկնավոր...
 Թող որ քարդ քարի վրա 
 Ամուր դրվի,
 Թող քո հողում ծնված մանչը
 Քանքար լինի,
 Թող որ «սրտումդ» միշտ գարուն լինի,
 Հավերժի ճամփորդ` 
 Երկիր հայրենի:

 Լուսինե Աբրահամյան

Այս նյութը դիտել են - 2607 անգամ