Գասպարին հրաժարվում է իր ոտքով տեղափոխվել խուց

 

Ազգային ժողովի պատգամավոր Նիկոլ Փաշինյանը քիչ առաջ ֆեյսբուքի իր էջի միջոցով տեղակացրել է, որ այցելել է կալանավորին: 

 

«Գասպարին ՔԿՀ ընդունման սենյակում պառկած՝ ակցիա է իրականացնում և հրաժարվում է իր ոտքով տեղափոխվել խուց»,- գրել է Նիկոլ Փաշինյանը: 

 

Հիշեցնենք, որ Գասպարին մեղադրվում է ոստիկանին վիրավորանք հասցնելու մեջ: Գործը քննվում է Շենգավիթ վարչական շրջանի ընդհանուր իրավասության դատարանի կողմից: 

 

Գասպարին մեղադրվում է ոստիկանին վիրավորելու, դատական նիստերը խանգարելու և դատավորի հասցեին անվայելուչ արտահայտություններ անելու մեջ։ 

 

Գասպարին  չէր ներկայանում դատարան, և իրավապահներն ամեն անգամ նրան հարկադրաբար էին տանում նիստերին: Վերջին դատական նիստին  ոստիկանությունը նրան դատարան էր տեղափոխել «Շտապօգնության» մեքենայով՝ պառկած վիճակում: