ԱՄՆ-ն ընդգծել է Սիրիայի նախագահի պաշտոնից Ասադի հեռանալու անհրաժեշտությունը
2015-12-05 07:12:00

ԱՄՆ պետդեպարտամենտի պաշտոնական ներկայացուցիչ Էլիզաբեթ Թրյուդոն հայտնել է, որ Սիրիայում դրության կարգավորման ԱՄՆ մոտեցումը չի փոխվել, և ԱՄՆ-ն նախկինի պես պահանջում է գործող նախագահ Բաշար Ասադի հրաժարականը, հաղորդում է TASS-ը:

«Մենք վստահ ենք, որ Ասադը տեղ չունի Սիրիայի ապագայում, ոչինչ չի փոխվել: Մեր պետքարտուղարը նկատի ուներ` ինչպես և նախկինում է ասել, որ մենք գիտենք` ինչպես կզարգանա անցումային գործընթացը, և մինչև որ մակարդակում Ասադի ներկայությունը մերձավորարևելյան հեռանկարում կարելի է հաշտեցնել ընդդիմության կարծիքի և մեր սեփականի հետ, որ նա չի կարող մնալ իշխանության գլուխ»,- հայտարարել է նա:

Նա նաև հավելել է, որ ԱՄՆ-ն ընդդիմությունից չի կարող սպասել հակվածություն քաղաքական գործընթացին և ԴԱԻՇ-ի դեմ պայքարին, եթե ընդդիմությունը վստահ չլինի Ասադի հեռանալու հարցում:

Այս նյութը դիտել են - 1541 անգամ