2016-03-01 11:02:00
Բրազիլիայի դաշնային ոստիկանությունը ձերբակալել է Facebook ընկերության՝ Լատինական Ամերիկայի գծով փոխնախագահին այն բանի համար, որ ընկերությունը հրաժարվել է տեղական իշխանություններին քրեական հետաքննության համար կարեւոր համարվող տեղեկություն փոխանցել:
Արգենտինացի Դիեգո Ձորային մեղադրում են դատական որոշումն անտեսելու համար, որը վերաբերում է կազմակերպված հանցավորության եւ թմրանյութերի վաճառքի գործով գաղտնի հետաքննությանը: Այս մասին գրում է «Ինտերֆաքս»-ը՝ վկայակոչելով Associated Press-ը:
Ձերբակալվածը գտնվում է Սան Պաուլուում:
AP-ն հիշեցնում է, որ անցյալ տարվա դեկտեմբերին բրազիլական դատարաներից մեկը որոշել էր արգելափակել WhatsApp մեսենջերը, որի սեփականատերը Facebook-ն է, քանի որ այն հրաժարվել էր ոստիկանությանն իր երկու օգտատերերի մասին տեղեկատվություն տրամադրել:
Այս նյութը դիտել են - 1586 անգամ