«հայրենասիրական» նեյնիմներից կուշտ ենք, զզվել ենք...
2016-03-04 12:01:00

Խառնակ, հոգեզուրկ, գաղջ ժամանակներում շատերն են տառապում «հայրենասիրական» փորլուծությամբ:

Ամեն օր մի էջից ծանուցում է գալիս ու ես գժվում եմ:

Էջի անունը նայեք՝ «Մի ամուսնացիր օտար ազգի հետ թող հայի հոգին մնա հայի հետ»:

Մառազմ: Տգիտության մասին էլ չեմ խոսում: 

Ձեզանից ո՞ր մեկն է ամուսանցել ՕՏԱՐ ԱԶԳԻ հետ:

Մի ամբողջ ազգի հետ ամուսնանալ կլինի՞...

Սա դեռ մի կողմ:

Սովետի ժամանակ, որ մեր յուրաքանչյուր գյուղում առնվազն 16 Նատաշա ու 22 Վալյա կար՝ երեւի ,,հայի հոգին,, կողոպտեցին-կերան....

Էլ չեմ խոսում Սարոյանի, Ազնավուրի, Արամ Խաչատրյանի եւ մեր շատ ու շատ մեծերի մասին, որոնք օտարի հետ են ամուսնացել, իրենց կյանքը կապել օտարազգի կնոջ հետ...

Հավանաբար, նրանց միջից էլ դուրս է սողոսկել «հայի հոգին»ընկել է մեծ քարին ու ջախջախվել է...

Էջ եք ստեղծում, մի ուրիշ հորդոր ու կոչով հանդես եկեք...

Ասենք՝ «Մի՛ հանդուրժեք այս իշխանություններին»: Կարո՞ղ եք...

Թե չէ՝ էս «հայրենասիրական» նեյնիմներից կուշտ ենք, զզվել ենք...



Կիմա Եղիազարյանի ֆեյսբուքյան էջից

Այս նյութը դիտել են - 1366 անգամ