«Իրավունք». Վովա Գասպարյանի «հիտլերիզմը» ճակատագրակա՞ն է լինելու. նրա պահվածքը զայրացրել է վերադասին...
2016-03-08 20:09:00
2016-03-08 20:09:00
«Իրավունք» թերթը գրում է. «Վլադիմիր գասպարյանի «հիտլերիզմը», կարծես, ճակատագրական է լինելու ներկայիս չափից ավելի խրոխտ ոստիկանապետի համար: Մեր տեղեկություններով՝ Վովա Գասպարյանի՝ «ձեռքեր կտրելու» եւ «ոտքեր պոկելու» բառապաշարը ոչ միայն հոգնեցրել, այլեւ զայրացրել է իր վերադասներին:Այս նյութը դիտել են - 1283 անգամ
Միաժամանակ, Վովայի ենթակաները, որոնց մեջ կան նրանից ոչ պակաս գեներալներ, այլեւս չեն ցանկանում համակերպվել նորաթուխ «ֆյուրերի» ոչ ադեկվատ պահվածքին:
Աճումէ դժգոհությունը նաեւ ոստիկանության սպայական շրջանում, որտեղ չեն ցանկանում, որ իրենց այս աստիճանի ստորացնեն, հետո էլ այդ «թատրոնը» ցուցադրեն հեռուստատեսությամբ:
Բազմաթիվ փորձառու կադրեր կամ հեռացել են համակարգից, կամ էլ պատրաստվում են դա անել օր առաջ, քանի դեռ չեն բախվել իրենց «ֆյուրերի» ֆեոդալական կամայականություններին:
Ի դեպ, վերջին կաթիլը դարձան վերջին կադրային փոփոխությունները, որոնց ընթացքում իրենց պաշտոններից հեռացվողները ոստիկանապետից «կադրից դուրս» այնպիսի արտահայտություններ լսեցին, որ էկրանից ֆշշացվող «վհուկները» եւ «երեւույթները» քնքշանքի նման են հնչում:
Իրենց շեֆի «սուպերմենությունը» փոխանցվում է նաեւ իր ենթականերից ոմանց, որոնք էլ իրենց հերթին են բերանները բացում իրենց ենթակաների վրա, եւ վերջապես այդ ալիքը հասնում է քաղաքացիների հետ ոստիակնների շփումներին՝ առաջ բերելով մեր համաքաղաքցիների համատարած ու աճող դժգոհությունը:
Մի խոսքով, այս անառողջ կծիկը հասել է այն աստիճանի, որ իշխանության միջանցքներում ավելի ու ավելի համառ լուրեր են տարածվում ոստիկանապետի մոտալուտ պաշտոնանկության մասին»:
Առավել մանրամասն՝ թերթի այսօրվա համարում