2016-03-10 09:00:00
Իսրայելի վարչապետ Բենյամին Նեթանյահուի հետ ասուլիսի ժամանակ ԱՄՆ-ի փոխնախագահ Ջո Բայդենը,երեքշաբթի օրը մի ամերիկացու մահացու դանակահարումը անվանել է «ահաբեկչական գործողություն»: Նա նշել է, որ քաղաքակրթված ղեկավարները չեն կարող դիտարկել բռնության կիրառումը` իբրև իրավիճակին համապատասխանող վարք:
«Մենք սկսեցինք մեր քննարկումը երեկ Յաֆայում և Երուսաղեմում տեղի ունեցած այս վերջին տխրահռչակ ահաբեկչական հարձակումից: Եվ Փեթահ Թիքվայում ես, կինս, երկու թոռներս ու թոռնուհիս ճաշում էինք ծովափին, այդ դեպքի վայրից ոչ շատ հեռու: Ես հաստատ չեմ կարող ասել, արդյոք դա հարյուր մետրի վրա էր, թե՝ հազար, սակայն այն շատ մոտ էր։ Ուստի ընդունեք իմ ցավակցությունները Թեյլորի ընտանիքին և բոլոր նրանց ընտանիքներին, ովքեր հարձակման են ենթարկվել երեկ և ամեն օր: Ամերիկայի Միացյալ Նահանգները դատապարտում է այդ գործողությունները և դատապարտում է դրանց չդատապարտողներին», - ասել է փոխնախագահ Բայդենը:
Նեթանյահուն գրոհներն ՝՝անհիմն՛՛ է անվանել ու միացել Բայդենին՝ քննադատելով Պաղեստինյան ղեկավարներին այդ գործողությունները չդատապարտելու համար:
«Ջո, ես խորապես շնորհակալ եմ այդ ահաբեկչական գործողությունը դատապարտելու Ձեր հայտաարարության համար։ Սակայն դժբախտաբար նախագահ Աբասը հրաժարվում է դատապարտել գրոհները, իսկ նրա “Ֆաթահ” կուսակցությունը իրականում մեծարել էամերիկացու սպանությունն իրականացնողին` իբրև Պաղեստինի նահատակ ու հերոս», - ասել է Նեթանյահուն:
Բայդենը կոչ է արել առաջ ընթանալ իսրայելա-պաղեստինյան խաղաղության բանակցություններում՝ ասելով, որ աշխատանքը երկու առանձին պետությունների ձևավորման ուղղությամբ դյուրին չէ, սակայն ներկա բռնությունները ու վրեժխնդրությունը պետք է դադարեցվեն: Նա վերահաստատել է Իսրայելի անվտանգության ապահովմանը ԱՄՆ-ի նվիրվածությունը և խոստացել գործել, եթե Իրանը խախտի ԱՄՆ-ի ու այլ հինգ տերությունների հետ կնքած միջուկային գործարքը:
Փոխնախագահը երկուշաբթի օրը նաև հանդիպել է պաղեստինցիների նախագահ Մահմուդ Աբասինև հինգշաբթի օրը՝ մեկնել հանդիպելու Հորդանանի արքա Աբդուլահ երկրորդին:
Այս նյութը դիտել են - 1438 անգամ