2016-03-26 09:18:00
Եթե ահաբեկիչների ձեռքերում հայտնվի նարնջի ծավալով պլուտոնիում, անհնար չի լինի միջուկային պարզագույն սարքի կառուցումը, հայտարարել է Ատոմային էներգետիկայի միջազգային գործակալության ղեկավար Յուկիյա Ամանոն։ Նա ավելացրել է նաեւ, թե նման հնարավորությունը բացառել չի կարելի։ Ամանոն նման հայտարարությամբ է հանդես եկել Վաշինգտնում մարտի 31-ին Միջուկային անվտանգության հարցերով երկօրյա գագաթաժողովի նախօրեին։
Իրաքը մարտ ամսա սկզբին հրապարակեց հայտարարություն այն մասին, որ ՝՝Իսլամական պետություն՛՛-ը, այսինքն ՝՝Դաեշ՛՛-ը Քըրքուկ քաղաքի մոտակայքում արձակել է քիմիական նյութերով բեռնված հրթիռներ, որոնց արդյունքում 6ՕՕ մարդ էր վնասվել։ Իսկ որքա՞ն կարող ենք վստահ լինել, որ նման խմբերը չեն կարող ձեռք բերել ավելի մահաբեր, օրինակ՝ միջուկային նյութեր։
Եվրոպական երկրներում անցած ամիսներին ՝՝Իսլամական պետություն՛՛ խմբավորման կողմից իրականացված ահաբեկչական գործողությունները խոսում են այն մասին, որ ահաբեկչական այս խումբը կարող է մուտք գործել Արեւմուտքի անվտանգության համակարգ։ Պատկերացնելն անգամ ծանր է, թե ինչ մեծ կլինեին կորուստները Փարիզում ու Բրյուսելում, եթե ահաբեկիչներն ունենային միջուկային նյութեր։
Համագործակցություն հանուն համաշխարային անվտանգության կազմակերպության աշխատակիցներից Միշել Քաննի խոսքերով.
՝՝Փոքր չէ հավանականությունը, որ նրանք ինչ որ ժամանակ ձեռք կբերեն միջուկային կամ ռադիոակտիվ նյութեր։ Աշխարհի մարդկությանը հսկայական խնդիրներ հարուցելու համար նրանց անհրաժեշտ չեն իրական միջուկային զենքեր, քանի որ ինքնաշեն միջուկային սարքերը նույնպես կարող են ֆիզիկապես հասցնել հսկայական ավերածություններ՛՛։
Ուրեմն՝ ահաբեկիչներին նման հնարավորությունից հեռու պահելու համար անհրաժեշտ են միջազգային խստագույն միջոցներ ու վերահսկողություն։
Իսկ միջազգային ջանքերը, այդ թվում՝ անվտանգության հարցերով միջազգային նման գագաթաժողովները մեծապես օգնում են կրճատել սպառնալիքի մակարդակը։
Այդ ջանքերի շնորհիվ է, որ 2Օ1Օ թվականից ի վեր 12 պետություն հրաժարվել է բարձր հարստացված ուրանի պաշարներից։ Ճապոնիան էլ մի քանի օր առաջ ԱՄՆ-ին վերադարձրեց այնքան պլուտոնիում, որով կարելի է կառուցել միջուկային 5Օ ռումբ։
Շատ կարեւոր է, ասում են փորձագետները, որ համաշխարհային այս համաձայնությունը շարունակվի։ Չէ որ աշխարհում այսօր կա այնքան պլուտոնիում եւ բարձր հարստացված ուրան, որ կարելի է պատրաստել 1945 թվականին Հիրիսիմայի վրա նետված ատոմային ռումբի հզորությամբ 2Օ հազար ռումբ։
Այս նյութը դիտել են - 2006 անգամ