Առնվազն 65 մարդ է զոհվել, շուրջ 300-ը վիրավորվել են Պակիստանի Լահոր քաղաքում տեղի ունեցած պայթյունի հետեւանքով, հաղորդում է BBC-ն:

Իրավապահների տեղեկացմամբ, պայթյունն իրականացրել է մահապարտ ահաբեկիչը: Պայթյունից հետո խուճապ է սկսվել:

Պայթուցիկ սարքը գործի է դրվել քաղաքի կենտրոնում` Գուլշան-ի-Իքբալ զբոսայգու կայանատեղիում, մանկական խաղահրապարակի հարեւանությամբ:

Այդ վայրում են գտնվել բազմաթիվ քրիստոնյաներ, ովքեր տոնել են Սուրբ Զատիկի կիրակին: Զոհերի ու վիրավորների թվում շատ են կանայք եւ երեխաները, քանի որ հանգստյան օրը նրանք ընտանիքներով ժամանակ են անցկացրել զբոսայգում:

Փենջաբ նահանգում, որի կենտրոնն է Լահոր քաղաքը, եռօրյա սուգ է հայտարարվել: Առայժմ ոչ մի կազմակերպություն չի ստանձնել ահաբեկչության պատասխանատվությունը:

Աղբյուր` BBC

Թարգմ.` Էդուարդ Մխիթարյան

galatv.am