2016-04-20 09:11:00
VOAnews /՛՛Հայաստանը աշխարհի տարբեր երկրներում բնակվող բոլոր հայերի հայրենիքն է՝՝,- ՝՝Ամերիկայի Ձայն՛՛-ին տված հեռախոսային հարցազրույցում նշել է բեյրութահայ, այժմ արդեն Հայաստանում բնակվող, սիրիահայերի օգնության ջատագով, քաղաքացիական ակտիվիստ Արա Սիսերյանը։
Հալեպի հայկական եկեղեցին. Հունվարի 6, 2016
Սիրիայի քաղաքացիական պատերազմը սկսվելուց ի վեր երկրում բնակվող ազգային եւ կրոնական փոքրամասնությունները հայտնվեցին ծայրահեղ պայմաններում։ Մինչ Սիրիայի հսկայական թվով քաղաքացիներ, իրենց կյանքը վտանգելով, բռնում են Եվրոպա հասնելու ճանապարհը, մեծաթիվ սիրիահայեր վերադառնում են հայրենիք, որտեղ հաշվված ամիսների ընթացքում ստանում են Հայաստանի քաղաքացիություն։
Քաղաքացիական պատերազմի տարիներին 17,000 սիրիհայեր են վերադարձել Հայաստան, որոնց 80 տոկոսը, ըստ ՄԱԿ-ի Ներգաղթի հարցերով գործակալության, շարունակում է բնակվել Հայաստանում։
Արեն Քուրումլյանը զրուցում է իր դասընկեր Հակոբ Փոնթիգյանի հետ։ Հալեպ, փետրվարի 20, 2013։ Նրանք այժմ ուսանում են Երեւանի դպրոցներից մեկում։
Հայերը երկար տարիներ խաղաղ ապրել Սիրիայում՝ հանդիսանալով այս երկրի քրիստոնյա ամենահին համայնքներից մեկը։
՛՛Սիրիայում ծայրահեղականության ալիքի ներքո, ոչ մահմեդական փոքրամասնություն հանդիսանալով, հայկական համայնքը հայտնվեց ծայրահեղ պայմաններում՝՝,- նշում է Արա Սիսերյանը։ Նույն միտքն է արտահարյտում նաեւ Սիրիայի Հայ ավետարանական եկեղեցու առաջնորդ Վերապատվելի Հարություն Սելիմյանը։
՛՛Դաեշ՛՛-ի վերահսկողութայն ներքո գտնվող տարածքներում քրիստոնյա փոքրամասնությունը հայտնվել է աղետալի իրավիճակում, նրանց կյանքը հայտնվել է վտանգի տակ, նրանք պարտավորվում են վճարել ջիզիե՝ հսկայական հարկ մահմեդականություն չընդունելու համար։ Քրիստոնյաները ենթարկվում են բռնությունների, իսկ նրանց գույքը բռնագրավվում է։ Սիրիայում մինչ օրս հայկական 9 եկեղեցիներ հիմնովին փլուզվել են՝՝,- ՝՝Ամերիկաի Ձայն՛՛-ի հայկական ծառայությանը տված հարցազրույցում հայտնել է Վերապատվելի Սելիմյանը։
Օդային հարվածներից հետո Հալեպի ալ-Մայսար թաղամասի բնակիչները՝ քաղաքի ավերակներում. Հալեպ, ապրիլ 11, 2016։
Սիրիահայերի առաջին հոսքը Հայաստան սկսվեց դեռ 2012 ին, հիմնականում Հալեպից։ Հալեպ-Երեւան ամենշաբաթյա թռիչքը Սիրիայից Հայաստան ներգաղթողների հիմնական ուղին էր։
2013-ին Հալեպի օդանավակայանի փակվելուց հետո հեռանալը դարձավ ավելի բարդ։ Այժմ սիրիահայերը ստիպված են հեռանալ զարթուղի, վտանգավոր ճանապարհներով։ Նրանք հիմնականում մեկնում են Լիբանան, որտեղից, հայկական սփյուռքի նվիրաբերություններով ու սիրիահայերի աջակցության կազմակերպությունների օգնությամբ, տեղափոխվում են ԱՄՆ, Եվրոպա կամ՝ Հայաստան։
Լիբանանահայ համայնքը Լիբանանի Սուրբ Ստեփանոս եկեղեցու առջեւ՝ Ցեղասպանության 100 ամյակին նվիրված արարողության ժամանակ։
՛՛ Հակառակ Հալեպում մնալու մասին տեղի հայ համայնքի առաջնորդների կոչին, ես եւ ամուսինս այլեւս չէինք կարող շարունակել մնալ Հալեպում, ու դեկտեմբերին որոշեցինք հեռանալ՝՝,- ՝՝Ամերիկայի Ձայն՛՛-ին տված հեռախոսային հարցազրույցում պատմում է Ադրինե Ասյանյանցը։
Ամուսինները իրենց ավտոմեքենայով հասել են մինչեւ Լիբանանի սահման։ Այստեղ շուրջ 3 ամիս անցկացնելուց հետո, նրանց հաջողվել է մեկնել Հայաստան։ Ադրինեն իրեն ավելի ապահով է զգում Հայաստանում։
Լեռնային Ղարաբաղում վերջին շրջանի բախումներից հետո, Հայաստան ներգաղթած սիրիահայերը հուսով են, որ ականատես չեն լինի եւս մեկ պատերազմի։
Այս նյութը դիտել են - 1272 անգամ