2015-12-13 03:53:00
Այն ,որ հայաստանյան դպրոցներում տղամարդ ուսուցչի պակաս կա՝ փաստ է: Շատ քիչ է վարձատրվում մանկավարժի աշխատանքը, իսկ դպրոցում, տղամարդ ուսուցչի ներկայությունը ոչ միայն ցանկալի է՝ այլև պարտադիր:
Սահմանադրական բարեփոխումների «ՈՉ» -ի ճակատի ակտիվիստ է Կարպիս Փաշոյանն, որն ի դեպ, Սիլվա Կապուտիկյանի անվան թիվ 145 հիմնական դպրոցում աշխատում էր որպես պատմության ուսուցիչ: Ի դեպ, նա դպրոցում աշխատող երկու տղամարդ ուսուցիչներից մեկն էր: Հիշյալ դպրոցի տնօրենը Կարպիս Փաշոյանին հասցրել էր այն աստիճանի, որ նա ինքնակամ դիմում էր գրել՝ իրեն աշխատանքից ազատելու համար, պատճառաբանությամբ՝ իբրև հաճախ ուշացումներով է մտել դասարան: Իհարկե, «ուշացում» բառին, մեր օրերում, «ժամանակակից» բառախաղ է առաջացել՝ «...եթե ասեիր՝ «ԱՅՈ» , ապա՝ գործիդ կմնայիր»:
Մամուլից տեղեկացանք այս ամենի մասին և անմիջապես USArmenianews.com-ը կապ հաստատեց արդեն գործազուրկ կարգավիճակ ունեցող ուսուցչի՝ Կարպիս Փաշոյանի հետ, պարզաբանելու՝ մամուլում հնչաց տարբեր կարծիքների վերաբերյալ:
Համաձայնվեք ,որ պատճառաբանումը ոչ միայն թույլ է եղել, այլև նաև մեր օրերում հասկանալի, որ ՀՀ Սահմանադրական ընտրությունների ժամանակ ուսուցիչը «Ոչ» է քվեարկել:
-Հարգելի Կարպի՛ս, ինչքան հասկացանք, մեր «ապահով Հայաստանում» աշխատող մարդը պետք է ամեն ինչից գոհ լինի: Եթե գաղտնիք չէ, որքան աշխատավարձ էիք ստանում, որ դրանով ուզում էին «լռեցնել»:
- 40 հազար դրամ : (ժպտում է...)
-Կարպիս, պատճառաբանել են, որ ուշացումներով եք դպրոց աշխատանքի գնացել: Խնդրում եմ ասել, «Ոչ»-ից հետո, ուշացել եք, թե՞ ՈՉ :
-Այո, հենց հեռացման օրը ուշացել էի:
-Հասկանալի է, որ «վերաբերմունքով» են դրդում դիմում գրելուն, իսկ ի՞նչ եք կարծում, «վերևներում» որքանո՞վ կհաջողվի ձեր ուշացումը որպես պատճառ «արդարացվի»:
-Ուշացման դեպքում հեռացնելու համար պետք է օրենքով սահմանված կարգով անցկացվեն հստակ ընթացակարգեր, իսկ դրանք դպրոցում չե՛ն կիրառվել : Ուշացումներիս պատճառը իմ գեր ծանրաբեռնվածությունն է եղել: Աշխատում էի դպրոցում, սովորում եմ համալսարանում, «Ոչ»-ի պայքարը և այլն, հոգնածություն կար, բայց ես վերականգնվելու էի և նոր եռանդով անցնեի աշխատանքի:
Վերջապես, վերոհիշյալ ընթացակարգերը չեն կիրառվել, քանի որ նրանք գնահատել են իմ աշխատանքը, տեսել են, որ ես կոնկրետ արդյունքներ ունեմ, ինչպես երեխաների կրթության, այնպես էլ դաստիարակության գործում:
-Կարպիս, իսկ քանի՞ տղամարդ ուսուցիչ է աշխատում Սիլվա Կապուտիկյանի անվան թիվ 145 հիմնական դպրոցում:
-Ես էի և Ռազմագիտության ուսուցիչը:
-Բարձրացված աղմուկից հետո, նախկին տնօրենդ փորձե՞լ է ձեզ հետ կապ հաստատել, վերադառնալու մասին, խոսե՞լ է, կամ նման մի բան...
-Ո՛չ, կապ չի հաստատել:
-Կարպիս, մամուլից տեղեկացանք, որ աշխատանքի նոր առաջարկ ունեք: Ե՞րբ եք գնալու նոր աշխատանքի հետքերով:
-Այո, առաջարկ կա «Անանիա Շիրակացու» անվան կրթահամալիրից, որին պատրաստվում եմ արձագանքել:
Հ. Գ. Վստահ ենք,որ այս երիտասարդը առանց աշխատանք չի մնա: Մեր երկրին, իրոք, պակասում է Կարպիս Փաշոյան ուսուցչի պայքարող տեսակը: Իսկ դպրոցում 40,000 դրամով աշխատելն արդեն ՀԵՐՈՍՈՒԹՅՈՒՆ է:
Հարցազրույցը վարեց՝ Ա. Մ
Այս նյութը դիտել են - 618 անգամ