2016-06-29 09:16:00
Կոմիտասի անվան մշակույթի պալատում «Շունչդ տուր, հոգիդ, բայց հայրենիքդ մի տուր թշնամյաց» խորագիրը կրող մենահամեգով Էջմիածնում գործող «Արծիվներ» պարախումբը նշեց գործունեության 5-ամյակը: Մենահամերգին «Արծիվներ»-ը հանդես եկավ բոլորովին նոր ծրագրով` ներկայացնելով վերջին մեկ տարվա ընթացքում կատարած աշխատանքը: Ինչպես նշեց պարախմբի գեղարվեստական ղեկավար Պետրոս Օրդակյանը` մենահամերգի նպատակն էր հային վերադարձնել հայ լինելու հպարտությունը եւ հնարավորություն տալ ճանաչել մեր մշակույթը եւ տեր կանգնել մեր մշակութային ժառանգությանը:
2011 թվականին կազմավորված խումբը գոծունեության ընթացքում ակտիվ մասնակցություն է ունեցել Էջմիածնում կազմակերպվող մշակությաին միջոցառումներին, հանդես է եկել տարբեր բեմերում: Մենահամերգի պատվավոր հյուր, Էջմիածնի քաղաքապետ Կարեն Գրիգորյանը շնորհավորեց պարախմբին եւ շնորհակալագիր հանձնեց եւ պարախմբին, եւ խմբի գեղարվեստական ղեկավար Պետրոս Օրդակյանին:
Պարախմբին շնորհավելու եկած հանդիսատեսը դահլիճից հեռացավ մեծ բավականություն ստացած եւ հայրենասիրական ոգով ներշնչված: