2016-07-01 02:15:00
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում, հուլիսի 4-ին, ժամը 16-40, գրող, լրագրող, հրապարակախոս Արթուր Հայրապետյանի հայցն ընդդեմ Վահրամ Սահակյանի գործով դատական նիստը կշարունակվի:
Հիշեցնենք, որ Վահրամ Սահակյանի փաստաբան Հարություն Հարությունյանը առաջին դատական նիստի ժամանակ միջնորդեց, որպեսզի դատական նիստը հետաձգվի, քանի որ ինքը հենց այդ օրն էր լիազորվել որպես Վահրամ Սահակյանի փաստաբան և իրեն ժամանակ էր պետք գործի նյութերին ծանոթանալու համար:
Նշենք նաև, որ ամիսներ առաջ թատերագիր, հրապարակախոս Վահրամ Սահակյանը Facebook սոցիալական ցանցում հայհոյախառն արտահայտություններով գրառում էր կատարել գրող, լրագրող, հրապարակախոս Արթուր Հայրապետյանի մասին՝ վիրավորելով ոչ միայն Հայրապետյանին, այլ նաև նրա ծողներին: Սահակյանը նաև սպառնացել էր վերացնել այն լրագրողներին, ովքեր նրա մասին որևէ բան կգրեն:
Այս նյութը դիտել են - 1784 անգամ