Արա Աբրահամյանին անգամ Սերժ Սարգսյանը չի կարող արգելել...
2016-07-08 22:03:00

Ռուսաստանի հայերի միության նախագահ Արա Աբրահամյանը «Ազգային միասնություն» շարժում է ստեղծել։ Այսօր կառավարության ընդունելությունների դահլիճում տեղի ունեցավ շարժման հավաքը։ Նկատենք, որ Աբրահամյանը դեռ անցյալ տարի Երևանում ասուլիս տվեց և հայտնեց կուսակցություն ստեղծելու իր մտադրության մասին։ Նա նաև ասաց, որ ինքն այդ մասին արդեն տեղյակ պահել է Սերժ Սարգսյանին։ Դրանից հետո մամուլում գրվեց, թե Սերժ Սարգսյանը «դաբռո» չի տվել նրան՝ մտնել քաղաքականաություն և կուսակցություն ստեղծել։ Հավաքից հետո Hraparak.am-ը հետաքրքրվեց Աբրահամյանից, թե Սերժ Սարգսյանը պե՞տք է նրան թույլ տա՝ մտնել քաղաքականություն կամ չմտնել։
-Իսկ ձեր օրենքով այդպե՞ս է, պետք է Սերժ Սարգսյա՞նը թույլ տա։
-Պարզապես նման փորձ ունենք, երբ Սերժ Սարգսյանն արգելում է ոմանց...
-Ես այդպիսի փորձ չունեմ։
-Բա Գագիկ Ծառուկյանին արգելեց զբաղվել քաղաքականությամբ։
-Ես չգիտեմ՝ ում է արգելել, բայց ինձ չի կարող որևիցե մեկը արգելել։

 Վահե ՄԱԿԱՐՅԱՆ

hraparak.am

Այս նյութը դիտել են - 1668 անգամ