2016-07-18 10:45:00
Այս ձգձգվող, դեռևս չհանգուցալուծվող վիճակն ի վնաս իշխանությունների է աշխատում։
«Սասնա ծռերի» պահվածքից, տված հարցազրույցներից, ժամանակ առ ժամանակ գերված ոստիկաններին ազատ արձակելուց, նաև նրանց նկատմամբ միանգամայն մարդկային վերաբերմունքից, մյուս կողմից «բարիկադի» այս կողմում ոստիկանների մարդկային կերպարի հետ նվազագույն առնչություն չունեցող պահվածքից, խաղաղ քաղաքացիների նկատմամբ անօրինական գործողություններից, մարդորսից, անմեղ մարդկանց՝ տարեց տղամարդկանց, կանանց, աղջիկներին ու հաշմանդամներին քարշ տալով ոստիկանական մեքենա խցկելուց և ոստիկանություն տանելուց, այնտեղ նրանց նկատմամբ ծեծ ու բռնություններ կիրառելու մասին տուժածների պատմածից, հավելած երբ այս ամենը տարբեր անկախ լրատվամիջոցների կողմից սփռվում է ուղիղ եթերով, ժողովրդի մի զգալի մասի մինչ այդ ունեցած վերաբերմունքը փոխվում է ոչ հօգուտ իշխանությունների ու հատկապես ոստիկանության։