2016-08-23 10:29:00
Շուրջբոլորը երկրում տիրող ծանր իրավիճակից դժգոհ մարդիկ են՝ ուսուցչից մինչև խոշոր գործարար:
Մարդիկ իրենց խնդիրների մեծ մասի սկզբնաղբյուր տեսնում են Սերժ Սարգսյանի վարած անարդյունավետ, տեղ-տեղ՝ կործանարար քաղաքականությունը: Երկրի ներսում, երկրից դուրս դժվար է գտնել գեթ մեկ հայի, ով անձնական շահ չունենալով՝ պաշտպանում է Սերժ Սարգսյանին: Մի ամբողջ ազգ սպասում է մեկ մարդու հրաժարականի:
Այսօրվա իրավիճակում այն մարդը, ով իր վրա կվերցնի պատասխանատվություն և գահընկեց կանի Սերժ Սարգսյանին, հայոց պատմության դասագրքերի մեջ կմտնի որպես մի գործիչ, ով 21-րդ դարում հայկական պետությունն ազատեց մեկ մարդու լծից:
Ատելությունն այնքան մեծ է, որ շատերի համար նույնիսկ կարևոր չէ, թե դա ով կլինի՝ իշխանության ներսի մարդ, ընդդիմության մեջ գտնվող մեկը կամ մեկ այլ գործիչ: Կարևորը, որ այդ մարդն իր վրա պատասխանատվություն վերցնի և ազատի մեր ազգը Սերժ Սարգսյանի իշխանությունից: Դրանից հետո մեզանում պետք է վերաիմաստավորվի ամեն բան, և մենք կունենանք շանս՝ 21-րդ դարին հարիր պետություն ունենալու:
Ես գոնե ինձ համար գիտեմ, թե ով կարող է լինել այդ մարդը, բայց իմ գիտենալը քիչ է. պետք են գործողություններ, այլապես պետականության կորստի համար պատասխան ենք տալու բոլորս:
Այս նյութը դիտել են - 3951 անգամ