2016-08-23 23:51:00
Իտալիա - Երկրաշարժի պատճառած ավերածությունները Ամատրիչե քաղաքում, 24-ը օգոստոսի, 2016թ․
ԱԻՆ հաղորդագրության համաձայն, երկրաշարժի աշխարհագրական կոորդինատներն են՝ հյուսիսային լայնության 42.790 և արևելյան երկայնության 13.290 աստիճան: Երկրաշարժի հիպոկենտրոնը գտնվում է 10 կիլոմետր խորության վրա: Ստորգետնյա ցնցման ուժգնությունն էպիկենտրոնում կազմել է 6-7 բալլ:
Երկրաշարժին հաջորդել են ետցնցումներ` 5.4 և 4.9 մագնիտուդներով:
Կա 14 զոհ, վնասվել են որոշ քաղաքներ, առկա է սողանքի առաջացման վտանգ, ասված է հաղորդագրությունում:
Reuters-ի տվյալներով՝ երկրաշարժի հետևանքով զոհվել է առնվազն 10 մարդ:
Լրատվական գործակալությունների փոխանցմամբ՝ Իտալիայի կենտրոնում տեղի ունեցած երկրաշարժը զգացվել է նաև Հռոմում։ Քաղաքի կենտրոնում քանդվել են շենքեր, որոնց տակ մարդիկ կան։ Հռոմը մնացել է առանց էլեկտրականության։