2016-08-30 09:52:00
Մի լրատվամիջոց կա, որի ուշքը գնում է Էջմիածնի քաղաքապետին եւ քաղաքապետարանի աշխատանքն անհիմն, առանց փաստարկների քննադատելու համար: Շահագրգռությունն ակնհայտ է, սակայն, քանի որ քննադատելու փաստական ոչինչ չունի, ամեն անգամ մի պատմություն է հորինում: Հերթական զրպարտությունն էլ այն էր, թե իբր Էջմիածնի քաղաքապետարանը չի կազմակերպել էջմիածնեցիների կողմից օլիմպիական չեմպիոնների դիմավորումն օդանավակայանում:
Բոլոր էջմիածնեցիք, այդ թվում` քաղաքապետարանի աշխատակազմը, հպարտ են, որ Ռիոյի օլիմպիական խաղերի 4 հայ մեդալակիրներից երկուսն էջմիածնեցի են: Եվ բնական է, որ հենց քաղաքապետի նախաձեռնությամբ, քաղաքապետարանի աշխատակիցները «Զվարթնոց» օդանավակայանում դիմավորեցին հերոսներին, հատկապես` էջմիածնեցիներ Միհրան Հարությունյանին ու Սիմոն Մարտիրոսյանին: Առաջարկվող տեսանյութում հստակ երեւում են, էջմիածնի դրոշները ձեռքին, ցնծացող էջմիածնեցիներն ու հենց քաղաքապետարանի աշխատակիցները: Մեր մարզիկներն ու նրանց մարզիչները պատշաճ ընդունելության արժանացան նաեւ քաղաքապետարանում: Դեռ ավելին` քաղաքապետ Կարեն Գրիգորյանը Միհրանին չեմպիոնավայել ընդունելություն ցուցաբերել էր դեռ 2015-ի հունիսին Եվրոպական խաղերից հետո, երբ Բաքվում մեր հրաշք մարզիկը կարողացել էր կանգնել պատվո պանդվանդանին եւ Ռիո դե Ժանեյրոյի օլիմպիական խաղերի ուղեգիր նվաճել: Եթե կա մարդ, որ կասկածում է քաղաքապետի ու քաղաքապետարանի ջերմ վերաբերմունքին, կարող է կասկածները փարատել` զրուցելով հենց Միհրան Հարությունյանի եւ Սիմոն Մարտիրոսյանի կամ նրանց մարզիչների հետ:
Էջմիածնի քաղաքապետարանի լրատվության բաժին
Այս նյութը դիտել են - 5371 անգամ