Անմշակ նավթի գների անկումը բացասաբար է անդրադառնում որոշ երկրների տնտեսությունների վրա
2015-12-26 09:22:00

Միացյալ Նահանգներում նավթի գները ավելի քան տասը տարի այսքան ցածր չեն եղել: Մեկ լիտր բենզինի միջին գինն այժմ 53 ցենտ է:

Բենզալցակայանի հաճախորդը ասում է,- «Մեկ տարի առաջ մեքենաս լիցքավորելու համար անհրաժեշտ էր 50 դոլար, սակայն այժմ 36 դոլարը բավարար է»:

Ամերիկայի ավտոմոբիլային ընկերակցության խոսնակ Ռոբերտ Սինքլերի խոսքերով, նավթի գների անկումն ԱՄՆ-ի տնտեսությանը 115 միլիարդ դոլարի աճ կապահովի, կամ յուրաքանչյուր վարորդ տարեկան 555 դոլար կխնայի։

Ռոբերտ Սինքլերը ասում է,- «Կարծում ենք, որ գնի անկումը շարունակվելու է, ու անմշակ նավթի դեռևս մեծ ավելցուկ կա: Հաջորդ ամիսների ընթացքում, կարող ենք նկատել նավթի գնի ևս 25-30 ցենտի նվազում»:

Ըստ տնտեսագետ Ֆրեդ Բերգսթենի, նավթ արտահանող երկրների վրա դրա գնի անկումը բացասաբար է անդրադառնում:

Ֆրեդ Բերգսթենը ասում է,- «Դրանից տուժում են Ռուսաստանը, Սաուդյան Արաբիան, Վենեսուելան, ԱՄՆ-ի որոշ խոշոր ձեռնարկություններ։ Սակայն դա փոխհատուցվում է սպառողի կողմից վճարվող գումարի կրճատմամբ»:

Այս նյութը դիտել են - 1644 անգամ