Այսքան տարի անցավ, բայց հանրապետականն այդպես էլ չհավատաց ու չփոխվեց: Ոնց «սաքուլիկներով» քաղաքական խնդիրներ լուծում էին, տենց էլ շարունակում են:

«Սաքուլիկներն» են միայն էվոլյուցիա ապրել և հայտնվել են կին սաքուլիկներ:

Հիմա էլ ՏԻՄ ընտրություններում հայտնվել են անհայտ ծագումով ինչ-որ կանայք, որոնք անհայտ նպատակով ցուցակագրում էին «Համախմբում» կուսակցության նախընտրական հանդիպման մասնակիցներին:

Փորձում են ահաբեկե՞լ դրանով մարդկանց:

Ինչի՞ համար եք ցուցակագրում, որ հետո այդ մարդկանց տուն Երանոսյանի բրիգադը ուղարկե՞ք: Թե՞ որ ընտրություններից հետո այդ մարդիկ չօգտվեն Բալասանյանի նախընտրական խոստումից ու ժամանակին աշխատավարձ չստանան:

Գիտեք, այս ամենն ուղղակի նողկալի է:

Ի՛նչ վիճակի է հասցրել Սերժ Սարգսյանը մարդկանց, որ ամոթը կորցրած դուրս են գալիս փողոց ու իրենց խիղճը վաճառում երկու կոպեկի համար: Սթափվե՛ք, ուշքի եկեք.

Հանրապետականի համար աշխատելն ամոթ է, դա անպատվաբեր ու պարսավանքի արժանի արարք է:

Այս երկրում ոչինչ չի փոխվի, քանի դեռ դուք չեք ուզում այդ փոփոխությունը, չեք պայքարում դրա համար, համակերպվում եք ստրկության և անարգանքի հետ, քանի դեռ դուք պաշտպանում եք ձեզ թալանող և անարգող մարդկանց և նպաստում նրանց վերարտադրությանը:

Մյուս կողմից էլ մտածում եմ, այսպիսի անթասիբ մարդիկ միշտ էլ կգտնվեն: Ցեղասպանության ժամանակ, Ղարաբաղյան շարժման տարիներին էլ հաստատ եղել են այսպիսի մարդիկ, ովքեր փորձում էին պայմանավորվել թշնամու հետ, գործ էին անում նրա համար: Ինչ ասեմ...ընկեք դռնեդուռ ու Սերժ Սարգսյանի համար ձայն մուրացեք, ցույց տվեք Հանրապետականի դեմքը:

Հա, մեկ էլ՝ գնալ գնալ ա, մատաղի փող էլ ուզեք միանգամից:

Հրանտ Ենոքյանի ՖԲ էջից