Զգուշացե՛ք, «Փարվանա» ռեստորանից, ձեզ կարող են թալանել
2016-09-13 19:48:00
Օրերս Սամվել Ալեքսանյանի ընտանիքին պատկանող «Փարվանա» ռեստորանային համալիրում հրավիրված էի միջոցառման: Ականատես եղա իսկական, «լֆիկական» ոճին հարիր, ոչ մարդկային միջադեպի: 
Բայն այն է, որ կողքի սեղանի հյուրերը, երբ պարահրապարակ էին գնացել մի քիչ «Տժժալու» և այնպես էր ստացվել, որ իրենց սեղանի մոտ ոչ ոք չի եղել, մեկ այլ սեղաի հյուրեր (ասում են արաբներ) եկել և ողջ ուտելիքը կերել էին:
 Աղջիկները, երբ մոտեցան իրենց սեղանին՝ ապշեցին. սեղանը, որի համար բավականին գումար են վճարելու, տակնուվրա էին արել և միայն սպիտակ սպասք էր երևում:
Մենակ Սամվել Ալեքսանյանին պատկանող «օբեկտներում» նման բաներ կտեսնես: Հիմա կասեք Սամվել Ալեքսայանն ինչ կապ ունի: 
Ախր, ժողովրդից միայն փող «գռփելով» և հարստանալով չպետք է բիզնես զարգացնես: Այդ ինչպես է ստացվում, որ նույն մարդու ընտանիքին պատկանող «Երևան» Սիթիներում մի ամբողջ «բանակ» անվտագության աշխատակիցներ կա, իսկ ռեստորանում՝ ոչ ոք չի վերահսկում:
Փաստացի, անվտանգություն չկար, հսկայական ռեստորանում ով ինչ ուզում՝ կարող էր անել, և դրա համար ոչ ոք պատասխանատվություն չի կրում: Եվ ռեստորանի աշխատակիցներին չի հետաքրքրում, թե քո սեղանին ով կմոտենա, ինչ կասի, գուցե քեզ թալանի, պայուսակդ բացի, գումար վերցնի: Հա դե սա հո սիթի չէ, որ անվտանգությունն այդքան ուժեղ լինի՝ ճանճը չկարողանա դզզա, չթալանեն, բայց իր օբյեկտում թե ով, ում կթալանի, դա արդեն իրեն չի էլ հետաքրքրում, միայն իրեն չթալանեն:
Ինչևէ, ամենակարևորը դեռ առջևում էր: 
Ոմն Ռուզաննա անունով մենեջերը մոտենու է թալանված սեղանին և ներողություն խնդրելու և իրավիճակը շտկել փոխարեն, ասում է. «Ինչ է եղել որ, հիմա մի երկու բան կթարմացնենք: Ինչ կարող ենք անել»: Վերջ: Իսկ թե ովքեր էին նման անշնորք արարքի հեղինակները ոչ մենք իմացանք, ոչ էլ երևի իրենք և, ինչպես ասաց մենեջերը, «ինչ անենք, ինչ է եղել որ»:
Այնպիսի տպավորություն էր, որ իրենց մոտ դա սովորական երևույթ է, բոլորը կարող են բոլորի սեղանից օգտվել, ձեռքի հետ էլ մի քիչ պայուսակ «փորփրել»:
Հիմա ասածս ինչ է, զգուշացե՛ք լֆիկի ոչ միայն կեղծ սնունդից և խմիչքներից, այլ նաև օբեկտներիում քեֆ անելուց. այստեղ ևս ժողովրդին ապուշի տեղ դնողներ կան:
Սաթեն Մանասյանի ՖԲ էջից
Այս նյութը դիտել են - 3811 անգամ