2016-09-15 01:01:00
Հիլարի Քլինթոնը, որի մոտ անցյալ շաբաթ ախտորոշվել է թոքաբորբ, «առողջ է ու պատրաստ աշխատանքի» ԱՄՆ նախագահի պաշտոնին, ասվում է Դեմոկրատական կուսակցությունից առաջադրված նախագահի թեկնածուի բուժող բժշկի նամակում, հայտնում է BBC
Քլինթոնի շտաբի տարածած հայտարարության մեջ ասվում է, որ քաղաքական գործչի առողջական վիճակը շարունակում է լավանալ: Ամբողջական բուժզննման արդյունքներով նրա ֆիզիկական վիճակը ճանաչվել է «նորմալ», իսկ հոգեկանը՝ «հոյակապ»:
Բժշկական մամուլի հաղորդագրության մեջ նաեւ նշված է, որ Քլինթոնին արել են բոլոր անհրաժեշտ պատվաստումները՝ այդ թվում թոքաբորբը կանխող երկու պատվաստում: Մամոգրաֆիայի ու կրծքի ուլտրաձայնային ախտորոշման արդյունքները նույնպես նորմայի մեջ են, հայտնում է փաստաթուղթը: 68-ամյա կինը արյան ճնշման ու խոլեստերինի խնդիրներ էլ չունի: