2016-10-22 15:21:00
Արտաշատի մամուլի ազատության կենտրոնը, այսուհետ պարբերաբար ուսումնասիրություններ է իրականացնելու Արարատի մարզի ամենատարբեր համայնքներում և այդ ուսումնասիրությունների արդյունքները հանձնելու է հանրության դատին:
Կենտրոնը ուսումնասիրելու է Արարատի մարզի համայնքների ղեկավարումը, համայնքի ղեկավարների վարկանիշը, համայնքների կողմից ծախսվող բյուջետային միջոցները և դրանց օգտակարությունը:
Մեր ուսումնասիրությունների շարքի առաջին թիրախը Արարատի մարզի մարզկենտրոն՝ Արտաշատ քաղաքն է և քաղաքապետ Արգամ Աբրահամյանի վարկանիշը:
Արտաշատի տեղեկատվության ազատության կենտրոնը այս համատեքստում իրականացրել է սոցիոլոգիական հարցում, որին մասնակցել են Արտաշատ քաղաքի 1000 չափահաս բնակիչներ:
Քաղաքում տեղի ունեցած փոփոխությունների վերաբերյալ հարցմանը մասնակցած քաղաքացիների կարծիքների պատկերն այսպիսին է.
Քաղաքում տեղի ունեցած փոփոխությունների վերաբերյալ
45,70 տոկոսը կարծում է, որ քաղաքը դարձել է ավելի բարեկարգ և մաքուր
30 տոկոսը կարծում է, որ քաղաքապետարանն ավելի հասանելի է դարձել
12,25 տոկոսը կարծում է, որ ակտիվացել է մշակութային և մարզական կյանքը
12,25 տոկոսը կարծում է, որ քաղաքում որևէ դրական փոփոխություն տեղի չի ունեցել
Ինչպիսի՞ն է քաղաքապետի վարկանիշը
79,01 տոկոսը կարծում է, որ քաղաքապետի վարկանիշը բարձր է
14 տոկոսը կարծում է, որ քաղաքապետի վարկանիշը չի տարբերվում իր նախորդների վարկանիշից
6,09 տոկոսը կարծում է, որ քաղաքապետի վարկանիշը ցածր է
Արտաշատի մամուլի ազատության կենտրոն
Այս նյութը դիտել են - 4339 անգամ