Սերժ Սարգսյանը այս նեխած ու կոռումպացված համակարգի հեղինակն է, և առանց այդ համակարգի չի կարող գոյատևել
2016-10-24 02:59:00

Կցանկանայի հավատալ, որ նոր վարչապետը իր ծրագրի գոնե կեսը կիրականացնի:
 Բայց դա հնարավոր բան չէ:
 Վերջին հաշվով երկրի ղեկավարը ոչ թե Կարեն Կարապետյանն է, այլ եղել և մնում է Սերժ Սարգսյանը: 
ԵՎ քանի դեռ դա այդպես է՝ տնտեսությունում էական բարելավումներ չեն լինելու: Պատճառը շատ պարզ է՝ Սերժ Սարգսյանը այս նեխած ու կոռումպացված համակարգի հեղինակն է, և առանց այդ համակարգի չի կարող գոյատևել:
Այստեղ վարչապետի անձի կամ մասնագիտական հմտությունների խնդիրը չէ, այլ համակարգը հիմնովին փոխելու քաղաքական կամքը:
 Օլիգարխիկ տնտեսությունը ոչ թե ինչ որ բացթողում է, որե պետք է շտկել, այլ Սերժ Սարգսյանի ռեժիմի սնուցման և գոյատևման անհրաժեշտ պայման: 
Առանց դրա նա զրկվում է գոյատևման հենարանից, և դրան փոխարինող այլ հենարան չկա: 
Նման հենարան տեսականորեն կարող էին լինել ընդդիմությունը և լայն հասարակությունը, բայց ընդդիմություն չկա, իսկ հասարակությունը իր իսկ Սերժ Սարգսյանի կողմից այնքան է խաբվել և նվաստացվել, որ չի կարող հենարանան հանդիսանալ:
Այնպես որ, ամենայն հավանականությամբ սա լինելու է Սերժի հերթական շոուն մինչև ընտրություններ ձգելու համար: 
Իսկ դրանից հետո երբ նորից ընտրությունները կեղծելուց հետո իշխանություն կզավթի, Կարեն Կարապետյանը իրեն էլ պետք չի գա: Դրանից հետո արդեն նոր շոու կմոգոնի նոր դերասաններով: Մինչև որ Սասնա Ծռերի երկրորդ ու արդեն դաժան սերիան սկսվի...

Սասուն Կոսյանի ՖԲ էջից

Այս նյութը դիտել են - 8429 անգամ