2016-10-29 22:58:00
Հոկտեմբերի 29-ին Հայաստանի արտգործնախարար Էդվարդ Նալբանդյանն ընդունել է Ամերիկայի հայկական համագումարի հոգաբարձուների խորհրդի նախագահ Քերոլայն Մուգարին և համագումարի համանախագահ Էնթոնի Բարսամյանին։
ԱԳՆ մամուլի ծառայության տարածած հաղորդագրության համաձայն, Ամերիկայի հայկական համագումարի ղեկավարները ներկայացրել են կազմակերպության գործունեությունը և առաջիկա ծրագրերը, անդրադարձ է արվել Հայաստան-Միացյալ Նահանգներ բարեկամական գործընկերության զարգացմանն ուղղված ջանքերին։
Զրույցի ընթացքում քննարկվել են համահայկական մի շարք հարցերի և դրանց լուծման ուղղությամբ հայ համայնքային կառույցների կարևոր դերակատարությունը։
Էդվարդ Նալբանդյանը զրուցակիցներին ներկայացրել է ղարաբաղյան հիմնախնդրի խաղաղ կարգավորման գործընթացի առաջմղման նպատակով համապատասխան պայմանների ստեղծման ուղղությամբ Հայաստանի և ԵԱՀԿ Մինսկի խմբի համանախագահ երկրների կողմից ձեռնարկվող քայլերը։
Զրուցակիցները անդրադարձել են մի շարք տարածաշրջանային խնդիրների՝ Մերձավոր Արևելքում տեղի ունեցող զարգացումներին, փախստականների խնդիրներին։
Այս նյութը դիտել են - 3921 անգամ