2016-11-02 19:24:00
Մեր ազգը սիրում է ցիտատներ գրել հայ մեծերի իմաստուն խոսքերից սկսած մինչև համաշխարհային գրականության մեջ օգտագործված գեղեցիկ ու իմաստալից մտքերը:
Անչափ զարմանալի է, որ դեռևս կան մարդիկ, ովքեր ցիտում են նաև ռուսերեն լեզվով և ռուսական մտածելակերպի ցիտատներ, որոնք ժամանակավրեպ են, ամոթալի և ծիծաղելի, այն դեպքում, երբ մենք ունենք Սասունցի Դավիթ, Թումանյան, Սևակ, Նժդեհ, Անդրանիկ, մերօրյա Մոնթե...ու էլի շատ ու շատ խելացի հայրենասերներ, որոնց մի խոսքը մի ողջ աշխարհ է, մի ողջ ազգի հերոսական պատմություն:Ո՞ւմ եք իրենց ազգի լեզվով գրած կամ նկարած ցիտատներով գովազդում...Նրա՞նց, ովքեր 25 տարի է գաղութացված են պահում մեր հայրենիքը: Դրածոներով թալանեցին, գնեցին, բաժան-բաժան արին մե՛ր Հայաստանը, կազմակերպած պատերազմում հեղեցին մե՛ր որդիների արյունը, մե՛ր գործարաններն ու ֆաբրիկաները ավերեցին, վաճառեցին ու մե՛ր ժողովրդի սերուցքը դարձրին կամ արտագաղթյալ կամ թշվառ գործազուրկ:
Սպիտակի երկրաշարժի հեղինակները դեռ կենդանի են և վեր են ընկած կամ իրենց պալատներում, կամ կրեմլի տաքուկ-փափուկ աշխատասենյակներում:
Ի վերջո, հասկանանք, որ հմուտ դագաղագործ ռուսը և նրա մուտանտ մանկլավիկները չեն կարող օրորոց սարքել հայ մանուկի համար:
Էս երկրում ռուսի «բարի կամքով» այլևս ոչինչ չունենք:Ինչ էլ որ կա, կամ ռուսինն է, կամ ռուսի դրածոներինը, կամ իրենց լակոտ-լուկուտներինը: Ռուսը շան ու գիլի բաժին դարձրեց մեր հայրենիքը, մեր տունը, մեր ունեցվածքը, մեր ազգային հարստությունը:
Հիմա էլ թաթները դրել են մեր ոսկեղենիկ տառերի, լեզվի ու հայերեն մտածելակերպի վրա: Ռուսական դպրոցներ բացելու հարցն են օրակարգ մտցնում, իրենց չունեցած արվեստն են առաջ հրում:
Ռուսի դրածո իշխանությունները մեզ քոռի նման են նայում, մենք ինչո՞ւ պիտի զույգ, առողջ աչքով իրենց նայենք: Նայելը` դեռ ջհանդամ, բա հավատա՞լը: Ո՞ւմ ենք հավատում, նրա՞նց, ովքեր ազգային հերոս Ժիրար Սեֆիլյանին, Հայոց Արծիվներ Սասնա Ծռերին, Շանթին, մյուսին, քսաներորդին ճաղերի հետևո՞ւմ են պահում: Որ կողմից վտանգ են զգում,մեր ու մանուկ, ծեր ու հաշմանդամ չեն հարցնում, ջարդում, փշրում, ինվալիդ են սարքում...
Հոկտեմբերի 27-ը, Մարտի1-ը, Սարի Թաղը երբեք չմոռանանք:Մոռանալը մեր մահվան դատավճիռն է, այն դատավճիռը, որ գրվում է մեծն ռուսիոյի կրեմլ կոչված սատանեական որջաբնում, որտեղից Հալեպը մոխրակույտի վերածելու հրամաններն են կյանքի կոչվում:Աստված հեռու պահի, որ հանկարծ հաջորդ Հալեպը Հայաստանում չլինի:Առաջնահերթ պահանջ է.Ա՜-ԶԱ-ՏԵ՜լ Հայաստանում անտեր մնացած ժողովրդին «հայ» կոչեցյալ հանցագործ ռեժիմի ճիրաններից: