Գլենդելահայ աշակերտները միացել են համահայկական շարժմանը...
2016-11-18 13:00:00

«Հայերն այսօրը» ներկայացնում է ԱՄՆ Գլենդել քաղաքի 

«Դավթյան և Մարիամյան» կրթական հաստատության աշակերտների 

լուսանկարները, որոնցով նրանք միացել են ՀՀ սփյուռքի

 նախարարության «Դու՛ ի՞նչ ես անում Ղարաբաղի համար» 

համահայկական շարժմանը: Լուսանկարներում կրթական հաստատության՝ միայն ամերիկյան չորս քաղաքներում գործող մասնաճյուղերի աշակերտներն են:

Հավելենք, որ հաստատությունը հիմնադրվել է 1987 թվականին՝ 

Իրանի Քուշեշ «Դավթյան և Մարիամյան» կրթական հաստատության 

մի խումբ շրջանավարտների կողմից: Նրանք որոշել են Սփյուռքում 

գտնվող երեխաների հայկական ինքնությունը պահպանելու 

համար հայոց լեզվի դասընթացներ կազմակերպել՝ նպաստելով 

ազգապահպանությանը:

Այժմ ԱՄՆ-ի յոթ տարբեր քաղաքներում «Դավթյան և Մարիամյան» 

կրթական հաստատության 24 մասնաճյուղ է գործում, որոնցից 

ամենախոշորը Գլենդելում է: Կրթական հաստատության 

նախագահը Վահիկ Ծատուրյանն է, տնօրենը՝ Օֆելյա Ծատուրյանը:

hayerenaysor.am

Այս նյութը դիտել են - 1566 անգամ