Մարտի մեկի բացահայտման հարցը վերաբերում է օրինապահ մարմիններին
2016-11-24 00:30:00

«Այնքանով, ինչքանով որ բացահայտված է, ես դա գիտեմ»,- 2008թ. Մարտի 1-ին 10 քաղաքացիների սպանության քննության վերաբերյալ ՄԱԿ-ի Խոշտանգումների դեմ կոմիտեի երեկ բարձրացրած հարցին այսպես արձագանքեց ԱԺ ՀՀԿ-ական պատգամավոր Համլետ Հարությունյանը:

«Առավոտ»-ի հարցին՝ ինչքանո՞վ է բացահայտված «Մարտի 1-ը» պարոն Հարությունյանը պատասխանեց. «Դե, Հունանյանների, մնացածների և այլն, և այլն:

Բայց ես չգիտեմ, թե իրավապահ մարմինները գտնում են, որ դա բացահայտվա՞ծ է, թե՞ ոչ, ես ինչ կարող եմ ասել»: «Առավոտ»-ի 

դիտարկմանը, թե «Մարտի 1-ը» շփոթել եք «Հոկտեմբերի 27-ի» հետ, պատգամավորը շարունակեց. «Հա, ախ «Մարտի 1» եք ասում, հա, հա, ես չգիտեմ՝ ինձ համար դժվար հարց է, բացահայտված, չբացահայտված լինելու հանգամանքը: Այո, մեր երկրում կան դժգոհություններ, որ «Մարտի 1-ը» բացահայտված չէ մինչև վերջ, բայց բացահայտման հարցը ոչ թե քաղաքական գործիչներին է վերաբերում, այլ օրինապահ մարմիններին»,–գրում է «Առավոտ» թերթը։

Այս նյութը դիտել են - 1284 անգամ