Պետեկամուտների կոմիտեն կստիպի տնտեսվարողներին ավելի մեծ աշխատավարձ գրե՞լ
2016-11-25 21:35:00

«Նախատեսվում է, որ 2017 թվականի պետական բյուջեի եկամուտները պետք է զգալիորեն գերազանցեն այս տարվա նույն ցուցանիշը: Սակայն բյուջեի բացատրագրերում համոզիչ փաստարկներ չկան, թե ինչի հաշվին են աճելու այդ եկամուտները:

Մեր տեղեկություններով, արդեն որոշում է կայացվել, որ պետեկամուտների կոմիտեն պետք է իր ոչ հրապարակային լծակներով ստիպի տնտեսվարողներին ավելի մեծ աշխատավարձ գրել, որի արդյունքում մեծանալու են եկամտային հարկի գծով բյուջե գանձվող եկամուտները: Իսկ «անհնազանդ» գործատուները, բնականաբար, կհայտնվեն ՊԵԿ-ի հատուկ ուշադրության կենտրոնում: Սա, իհարկե, տեսականորեն կարող է որոշ ժամանակով մեծացնել բյուջեի եկամուտները, սակայն ավելի երկարատև կտրվածքով, տնտեսական վատթարացող պայմաններում կհանգեցնի գործազրկության աճի և եկամտային հարկ վճարողների թվի նվազմանը: Ինչն էլ կբերի եկամտային հարկի գծով բյուջեի եկամուտների նվազմանը»,–գրում է «Հայկական ժամանակ» թերթը։

Այս նյութը դիտել են - 1209 անգամ