2016-12-02 22:31:00
«Փաստ» օրաթերթը գրում է.Վարչական դատարանի նախագահ Կարեն Մաթևոսյանը հայտարարագրել է 32 միլիոն 200 հազար դրամ, 99 հազար ԱՄՆ դոլար և 4 հազար եվրո դրամական միջոցներ: Այս մասին տեղեկանում ենք դատավորի՝ Բարձրաստիճան պաշտոնատար անձանց էթիկայի հանձնաժողովին ներկայացրած հայտարարագրից:
Կարեն Մաթևոսյանի 2015 թ. փոխառությունները կազմել են 49 հազար 560 ամերիկյան դոլար, իսկ նրա նախորդ տարվա եկամուտներն էլ կազմել են 9 միլիոն 522 հազար դրամ և 51 հազար ԱՄՆ դոլար և գոյացել տարեկան աշխատավարձից և ստացված փոխառություններից (վարկերից):
Նշենք, որ Մաթևոսյանը տարբեր տարիներին զբաղեցրել է Աշտարակի միջշրջանային դատախազության քննիչի, ապա՝ Էջմիածնի միջշրջանային դատախազության քննիչի, գլխավոր դատախազին առընթեր հատկապես կարևոր գործերով քննիչի, ՀՀ տնտեսական դատարանի դատավորի, Մաքսային պետական կոմիտեի նախագահի տեղակալի և ՀՀ դատական դեպարտամենտի ղեկավարի պաշտոնները:
Շարունակությունը` «Փաստ» օրաթերթի այսօրվա համարում: