2016-12-04 23:15:00
Ժամեր առաջ արտասահմանյան լրատվամիջոցներից մեկում տեղեկություն տարածվեց, որ մահացել է Ռուսաստանի Իսլամական խորհրդի նախագահ հայատյաց Հեյդար Ջեմալը:
Վստահորեն կարող եմ հայտարարել, որ մոլորակը ազատվեց ևս մի ֆաշիստ-շովինիստից, ով իր հիմնական թեզերն ու գաղափարները ծավալում էր հակահայ դոկտրիններ մշակելով և հայատյացություն քարոզելով:
Հենց նա էր այն հիմնական խաղացողներից մեկն, ով կարողանում էր հակահայ ապատեղեկատվություն տարածել ռուսական միջավայրերում (ցավով պետք է նշեմ, բայց հաճախ հաջողություն էր ունենում):
Նա հանրությանը հայտնի էր որպես ՌԴ-ում իսլամական (բավականին ընդգծված նաև ադրբեջանական) կրոնական քաղաքականության հոգևոր հայրերից մեկը: Ակտիվ գործունեություն էր ծավալում նաև ռուսական պետական լրատվականներում:
Վերջում ավելացնեմ` ծայրահեղականությունը քաղաքականության հակաբևեռն է, իսկ նման արմատական պսեվդոփիլիսոփաներն իրենց հակազգային քաղաքականությամբ ավելի են սրում միջազգային հակամարտությունները և դա անում, իրենց ձևակերպմամբ հանուն Ալլահի:
Հ.գ. Նշեմ, որ Հեյդարի հայրը` Ջահիդը եղել է խորհրդային ռեպրեսիաների ակունքներում, ավելին 1937 թվականի դահիճ-կազմակերպիչներից մեկն էր, այնպես, որ այդքան էլ զարմանալի չէ նման դահճից այս արյունարբուի ծնվելու փաստը: