Նա հիասքանչ է, երբ խաղում է. Հյումելս
2016-12-05 21:55:00

DailyMail-ը գրում է. Մյունխենի «Բավարիայի» պաշտպան Մատս Հյումելսը խոսել է «Մանչեսթեր Յունայթեդի» 27-ամյա հայ կիսապաշտպան Հենրիխ Մխիթարյանի մասին, որի հետ խաղացել է Դորտմունդի «Բորուսիայում» հանդես գալու տարիներին:

«Եթե դուք հնարավորություն տաք նրան, ապա կտեսնենք, թե որքան լավ է խաղում: Ես սրանում վստահ եմ 100 տոկոսով: Նա լավագույն ֆուտբոլիստներից է, որի հետ երբևէ խաղացել եմ: Բայց երբ դուք չեք խաղում, չեք կարող նաև փայլել: Սա հեշտ է, իսկապես հեշտ է: «Ֆեյենորդի» դեմ հանդիպումից մի հատված եմ նայել, մի հատված էլ՝ «Վեսթ Հեմի» դեմ խաղից: Նա երկու դեպքում էլ հիասքանչ էր ու բոլոր այն դեպքերում, երբ խաղում է: Նա խաղաց այս մակարդակով(բարձրացնում է ձեռքերը-խմբ.) նախորդ մրցաշրջանի ողջ ընթացքում»,- DailyMail-ի հետ զրույցում ասել է Հյումելսը:

Այս նյութը դիտել են - 30504 անգամ