2017-01-04 20:18:00
ԱՄՆ 42-րդ նախագահ Բիլ Քլինթնն ու նրա կինը՝ Հիլարի Քլինթոնը, որը 2016-ին հավակնում էր ԱՄՆ նախագահ դառնալ, մտադիր են ներկա գտնվել ընտրված նախագահ Դոնալդ Թրամփի ենդմնակալությանը։ Այս մասին հայտնում է CNN հեռուստաալիքը՝ վկայակոչելով քաղաքական գործիչների օգնականներին։
Երդմնակալության արարողությանը ներկա գտնվելու ծրագրերը հաստատել են նաեւ ԱՄՆ 43-րդ նախագահ Ջորջ Բուշ կրտսերը ու նրա կինը՝ Լորա Բուշը։Սակայն Բուշ կրտսերի հայրը՝ ԱՄՆ 41-րդ նախագահ Ջորջ Հերբերտ Ուոքեր Բուշը, առողջական խնդիրների պատճառով չի կարողանա ներկա գտնվել հանդիսությանը։
Արարողության հյուրերից են լինելու նաեւ ԱՄՆ գործող նախագահ Բարաք Օբաման ու նրա կինը՝ Միշելը։
Ավելի վաղ, հունվարի 3-ին, Թրամփը հայտնել էր, որ իր առաջին մեծ մամուլի ասուլիսը կտա հունվարի 11-ին։ Նա, մասնավորապես, մտադիր է պատմել, թե ինչպես է նախագահի պաշտոնում կառավարելու իր բիզնեսը՝ խուսափելով շահերի բախումից։