ՀՀ կրթության և գիտության նախարարության հանրակրթության վարչության պետ Նարինե Հովհաննիսյանը սեփական դիմումի համաձայն ազատվել է զբաղեցրած պաշտոնից:
Tert.am-ի հետ զրուցում նա նշեց, որ նախարարությունում խնդիրներ չի ունեցել, նախարարն իր աշխատանքից գոհ է, որոշումը ճնշումների ներքո չի կայացրել։
«Ես խնդիրներ չեմ ունեցել նախարարի հետ, ավելին` ես շարունակելու եմ աշխատանքս ԿԳՆ-ում, նախարարի խորհրդական եմ նշանակվել, հեռանալու որոշումը բացառապես իմն է»,-մանրամասնեց նա։Նարինե Հովհաննիսյանը նշեց, որ 12 տարվա երկարատև, քրտնաջան աշխատանքից հետո որոշել է վերադառնալ դպրոց։