Գլենդելահայության խնդիրների լուծման բանալին Զարեհ Սինանյանի ձեռքում է...
2017-04-03 18:20:00

2017-ի ապրիլ ամիսը ընտրական ամիս է ոչ միայն Հայաստանում, այլև՝ հայաշատ Գլենդելում , ուր առաջիկայում սպասվում են քաղաքային խորհրդի ընտրություններ՝ մի իրադարձություն, որն իր նշանակությամբ խիստ կարևոր նշանակություն ունի ողջ քաղաքի, հատկապես՝ գլենդելահայության համար :

Առաջադրված թեկնածուներից մեկն էլ գլենդելահայության շրջանում հեղինակություն վայելող , նախկինում քաղաքապետ աշխատած ու Գլենդելի շենացման գործում անգնահատելի լումա ներդրած, ծննունդով Երևանից՝ Զարեհ Սինանյանն է , ում որոշումը, վերընտրվելու քաղաքային խորհրդի ընտրություններին, պետք է նկատել , չափազանց մեծ ոգևորությամբ է ընդունվել տեղի հայության կողմից :

Թե ինչով է պայմանավորված հատկապես հայության շրջանում Զարեհ Սինանյանի հեղինակությունն , այնքան էլ դժվար չէ պարզել:

Այդ անելու համար հարկավոր է ընդամենն անդրադարձ կատարել նրա՝ Գլենդելի քաղաքապետ եղած տարիներին նրա կատարած աշխատանքը, որն ակնառու է:

Զ. Սինանյանին , արդարև , պետք է համարել այս հայաշատ քաղաքի լավագույն քաղաքապետերից մեկը՝ երբևէ պաշտոնավարած :

Նրա աշխատանքային կարիերայի այս շրջանն աչքի է ընկել բացառիկ ակտիվությամբ , արդյունավետությամբ , քաղաքին հուզող խնդիրների ամենալայն շրջանակների նկատմամբ դրսևորած կոմպետենտությամբ, և, որ ամենակարևորն է, բացառիկ հայանպաստ գործունեությամբ:

Սինանյանի որոշումն՝ այս անգամ ևս մտնելու քաղաքական պայքարի բովի մեջ , ամենևին էլ , պետք է նկատել , ինքնանպատակ չէ:

Քաղաքապետ աշխատած տարիներին քաղաքի բնակիչների առջև կուտակված խնդիրները գտել են իրենց լուծումները, բայց դրա հետ մեկտեղ Գլենդել քաղաքը օրեցոր իր բնակիչների թվով մեծ աճ է գրանցում, որն էլ իր հերթին նորանոր խնդիրներ է ստեղծում տեղի բնակչության համար:

Զարեհ Սինանյանի գործունեությունը միտված է լինելու օրեցոր աճող քաղաքի բարելավմանն, ինչպես նաև առաջնային սոցիալական խնդիրների լուծմանն ու առաջընթացը բոլորի համար տեսանելի դարձնելը:

Ինչ վերաբերում է քաղաքի հայ համայնքին հուզող խնդիրներին , ապա պետք է նկատել , որ Սինանյանից առավել քաջատեղյակ մեկին գտնելն այսօր , ուղղակի , անհնար է:

Նա լիակատարորեն տիրապետում է համայնքին հուզող խնդիրները՝ շատ լավ պատկերացնելով դրանց լուծման մեխանիզմները :

Առաջին հարցը , որ այսօր ծառացած է տեղի բնակչության համար, բնակարանների թանկացման, փոքր և միջին բիզնեսի զարգացման, սոցիալապես անապահով ընտանիքներին բնակարանների ապահովման, կոմունալ վարձերի նվազեցման, ինչպես նաև քաղաքի կանաչապատման խնդիրն է:

Այդ խնդիրների հետ մեկտեղ այսօր ծառացած է Հայկական Սփյուռքի՝ հատկապես գլենդելաբնակ հայության առաջ , Հայաստան - Սփյուռք կապերում առկա վիհն է :

Ակնհայտ է , որ Հայրենիք - Սփյուռք կապերի սերտացման հարցում ոչ ոք այնքան կոմպետենտ չի կարող համարվել , որքան Զարեհ Սինանյանը:

Լինելով ծննունդով երևանցի , բայց կյանքի մեծ մասն ապրելով ԱՄՆ - ում՝ ստանալով իրավաբանի մասնագիտություն, լինելով արժանապատիվ ընտանիքի զավակ, Սինանյանն մարմնավորում է Հայաստան - Սփյուռք կապը՝ փայլուն կերպով տիրապետելու խնդրին:

Հիշեցնենք, որ նա տարիներով և մինչ այսօր մեծ աշխատանք է կատարել Հայ Դատի՝ Հայոց Մեծ Ցեղասպանության ճանաչման գործընթացում:

Նշենք, որ Գլենդելի քաղաքային խորհրդի անդամ, նախկին քաղաքապետ Զարեհ Սինանյանն բոլորին հայտնի է նաև իր հայրենասիրությամբ :

Հիշենք 2015 թվականին, երբ նա արձակուրդում էր և ընտանիքով գտնվում էր Հայաստանում, այդ ժամանակ տեղի էր ունենում «Էլեկտրիկ Երևան» շարժման հանրահավաքները, որտեղ Զարեհը մասնակցում էր, իբրև սովորական մի հայ, ոչ որպես քաղաքային իշխանություն ներկայացնող անձ, ով մտահոգ է Մայր Հայրենիքում կատարվող քաղաքական բոլոր իրադարձություններին:

Անկասկած է , որ կարևորագույն խնդիրներից մեկն էլ ԱՄՆ - ում հայապահպանության հարցն է : Տեղի հայությունը , շարունակաբար ենթակա լինելով օտար ազդեցության, կամա - ակամա, տարիների ընթացքում, ստիպված է լինում բախվել սեփական ինքնության պահպանման խնդրին՝ խնդիր , որը ոչ միշտ է հաջողվում հաղթահարել :

Պետք է նկատել , որ այստեղ ևս հսկայական անելիքներ կան՝ Լոս Անջելեսի հայությանը սեփական արմատներին մոտեցնելու,Հայաստանը համայն հայության կենտրոն դարձնելու համար:

Այս խնդրի լուծմանը հասնելու ճանապարհին Սինանյանը մեծապես կարևորում է Հայաստանի կյանքում սփյուռքի դերի մեծացումը : Սփյուռքահայը նույնպես պետք է ներգարվված լինի Հայաստանի կյանքում ու դիտարկվի ոչ թե ֆինանսական «սուբյեկտ» , այլ՝ Հայաստանի լիարժեք մասնիկ:

Զարեհ Սինանյանը փայլուն կերպով պատկերացնում է դրան հասնելու ճանապարհն ու ունի դրա իրական բանաձևը :

Անկասկած, բազմաթիվ են խնդիրները, որոնք, այսօր, մտահոգում են Գլենդել քաղաքի բնակչությանը, բայց որևիցե խնդիր երբեք սարսափելի չի լինում, եթե առկա է դրա լուծման բանալին, եթե ճշգրտորեն բանաձևված են լուծումներն ու կա կամք՝ բարիերները հաղթահարելու:

Գլենդելահայությունը համոզված է, որ այդ բանալին հենց Զարեհ Սինանյանի ձեռքում է, և ապրիլի 4-ին նրանք ակտիվ կմասնակցեն ընտրություններին և իրենց ձայնը կտան , ինչպես իրենք են ասում՝ «մեր Զարեհին»:

Զարեհ Սինանյանի Գլենդել քաղաքի քաղաքային խորհրդի անդամ վերընտրվելու հաղթանակը հսկայական առաջընթաց քայլ կլինի քաղաքի խնդիրների լուծման ճանապարհին:

Սա` աներկբա է:

Գայանե Մանուկյան

Այս նյութը դիտել են - 41261 անգամ