2017-03-13 02:47:00
«Հրապարակ»-ը գրում է.
Մեզ հասած տեղեկություններով՝ «Սասնա ծռեր»-ին հաց հասցրած Արթուր Սարգսյանը՝ Հաց բերողը, երկու օր առաջ հիվանդանոցից դուրս է գրվել։
«Արմենիա» բժշկական կենտրոնից մեզ հայտնեցին, որ Արթուր Սարգսյանը երկու օր առաջ ցանկացել է լքել ԲԿ-ն. «Լքելը իր իրավունքն է, մենք արձանագրել ենք, որ վիճակը մոտ է բավարարին, ինքը, եթե լավ չզգար իրեն, չէր լքի ԲԿ-ն»։
Հիշեցնենք, որ Արթուր Սարգսյանը կալանավորվել էր «Սասնա ծռեր» խմբավորման անդամներին աջակցելու մեղադրանքով։ Հուլիսյան դեպքերի ժամանակ Արթուր Սարգսյանը միայնակ ճեղքել էր ոստիկանության պատն ու հաց տարել խմբավորման անդամներին։ Հաց բերողը կալանքի հետ անհամատեղելի առողջական խնդիրներ ունի, որի համար ազատ էր արձակվել դեկտեմբերի 31-ին, սակայն ազատությունը երկար չտևեց, նրան փետրվարի սկզբին երկորրդ անգամ կալանավորեցին, որի պատճառով նա հացադուլ էր հայտարարել։
27 պատգամավորները գլխավոր դատախազություն միջնորդություն ներկայացրին՝ Հաց բերողին բաց թողնելու առնչությամբ։ Դատախազությունը բավարարեց նրանց միջնորդությունը, «Դատապարտյալների հիվանդանոց» ՔԿՀ-ից նրանց տեղափոխեցին «Արմենիա» ԲԿ։
Այս նյութը դիտել են - 2021 անգամ