2017-03-27 02:07:00
Ժողովուրդ, հլը նայեք՝ ինչեր են անում։ Էն դպրոցի տնօրենների խայտառակությունը քիչ էր, հիմա էլ պարզվում ա՝ ՀՀԿ-ն նաև ուսանողներին ա շահագործում։ Շահագործելը ո՞րն ա՝ չարաշահում ա։
Պարզվում ա, Կարեն Ավագյանը հատուկ մարդ ա պահում, էտ մարդն էլ, այսինքն աղջիկը, ուսանողների խումբ ա պահում ու Երրորդ Ռեյխի ճշտապահությամբ ու խստությամբ կազմակերպում Ֆեյսբուքում Փուչիկ Կարենի «մտքի գոհարների» լայքումը։
Էն որ Կարեն Ավագյանը մի տխմար, տառասխալներով, անիմաստ ստատուս ա գրում, որ կարդում ես ու չգիտես՝ լացես, խնդաս, թե խղճաս ՀՀԿ-ական նախկին երիտասարդին, ու մեկ էլ տեսնում ես էտ ստատուսը հարյուրավոր «լայքեր» ա հավաքել, պարզվում ա, էտ մարդիկ Ավագյանի մակարդակի չեն, նրանց ստիպել են այդ խայտառակությանը մասնակցել։
Բայց ինչքան փոքր են էլի սրանք․․․արա զարմանում եմ, նորմալ մարդու մտքով ո՞նց կարա սենց բան անցնի։ Ստիպես ուսանողներին, էրեխեքին, որ քո ստատուսները լայքեն։ Յանի ի՞նչ ա ուզում դրանով ցույց տա։
Սա ուղղակի խնդալու կլիներ, եթե այս անձնավորությունը ՀՀ Ազգային Ժողովի պատգամավոր չլիներ ու չղեկավարեր «Երիտասարդական հիմնադրամը», որը Սերժ Սարգսյանի թեթև ձեռքով պետբյուջեից՝ այսինքն մեր գրպանից լիքը փող ա ստանում ու էտ փողերը ծախսում այ սենց դատարկ ու հիմար բաների վրա։
Վաղը մյուս օր էլ էտ էրեխեքին քշելու են միտինգների ու ստիպելու նրանց չեղած կուսակցության օգտին քվեարկել։
Հ․Գ․Կարեն Ավագյանին նաև հիշեցնեմ, որ երեխաներին շահագործելը քրօրեն պատժելի հանցանք է։ Թե՞ կարող ա կռուտիտ լինի, որ նրանց ծննդյան վկայականները չի տեսել ու չի իմացել։