2017-04-04 11:54:00
Ներկայումս, մոտավոր հաշվարկներով, Լոս Անջելեսի 4 մլն-անոց բնակչության մոտ կես միլիոնը անփաստաթուղթ ներգաղյալներ են:
«Ոստիկան տեսնելիս նորեկներից շատերին թվում է, որ իրենց ցանկանում ենք տարհանել: Այդ վախը միշտ առկա է:», - ասում է ոստիկան Խոսե Կովարուբիասը:
Լոս անջելեսի ոստիկանության կապիտան Ալֆրեդ Լաբրադան քաջածանոթ է այս խնդրին:
«Ես ինքս Միացյալ Նահանգներ եմ եկել ապօրինի ճանապարհով և մանուկ հասակից զգացել եմ այն վախը, որը հիմա զգում են շատերը», ասում է նա:
Լաբրադան, ով արդեն ԱՄՆ-ի քաղաքացի է, կարծում է, որ տարհանման վախը Թրամփի վարչակազմի օրոք էլ ավելի է սրվել անփաստաթուղթ ներգաղթյալների շրջանում:
«Ես անցել եմ այդ ամենով ու շատ լավ եմ պատկերացնում մարդկանց ապրումները: Մեր օրերում շատ ծնողներ նույնիսկ վախենում են իրենց երեխաներին դպրոց ուղարկել»:
Ըստ Լաբրադայի ՝ ընտանեկան և սեռական բռնություններին առնչվող զանգերի թիվը ոստիկանությունում նվազել է 10-25%-ով:
«Սա նույնպես մտահոգիչ է, քանի որ պարզ չէ արդյոք հանցագործություններն են պակասել, թե մարդիկ պարզապես վախենում են ահազանգել ոստիկանություն»:
Լաբրադայի խոսքերով՝ Լոս Անջելեսի ոստիկանությունը ներգաղթի հարցերով չի համագործակցում ԱՄՆ-ի սահմանապահ ծառայության հետ, քանի որ կարևոր է, որ մարդիկ վստահեն ոստիկանությանը:
«Եթե մարդիկ վախենում են մեզ հետ կապվել վախից դրդված և մտածելով, որ մենք իրենց կհանձնենք սահմանային անվտանգության աշխատակիցներին, ուրեմն մեզ չեն վստահում, արդյունքում՝ հասարակության մեջ կավելանա անպաշտպան մարդկանց թիվը»:
Թեպետև անփաստաթուղթ ներգաղթյալները պաշտպանված են Կալիֆոռնիայի օրենքներով, Օրինջ Քաունթի շրջանի քրեակատարողական հիմնարկը, որպես բացառություն, ԱՄՆ-ի սահմանապահ ծառայությանը կտեղեկացնի ծանր հանցագործությունների վերաբերյալ: