Ապարանյան կլանը թուլացել է. ի՞նչ է անելու Գարեգին Բ-ն Politik
2017-04-09 03:40:00

«politik.am»-ը գրում է.

Վեցերորդ գումարման Ազգային Ժողովը բավականին մաքրազարդված կլինի ոչ միայն օդիոզներից, այլ նաեւ ներհայաստանյան կլաններից, թեեւ այնպես էլ չէ, որ նոր խորհրդարանում տեղային իշխանիկներն ու կլանները ներկայացված չեն լինի:

Արդեն իսկ հայտնի է, որ նոր ԱԺ-ում տեղ չեն ունենա այսպես ասած ապարանյան կլանի ներկայացուցիչները. Նոր խորհրդարանում չկա ոչ Վրեժ Մարկոսյանը, ոչ Լյովա Խաչատրյանը, ոչ մյուսները:

Իհարկե ապարանցի ազդեցիկ դեմքերից Սամվել Ալեքսանյանը անցել է Ազգային Ժողով, սակայն նա ապարանյան կլանի ներկայացուցիչ չէ ու իր հաջողություններով բոլորովին այլ մարդկանց է պարտական: 
Առհասարակ ասում են, որ ապարանյան կլանի «կնքահայրերն» են` Աղվան Հովսեփյանը եւ Ամենայն Հայոց կաթողիկոս Գարեգին Բ-ն:

Դեռ տարիներ առաջ, երբ Աղվան Հովսեփյանը դուրս եկավ Գլխավոր դատախազի պաշտոնից եւ հայտնի չէր թե այլ պաշտոն կստանա թե ոչ, համառորեն շրջանառվեցին լուրեր, որ Գարեգին Բ-ն անձամբ է խնդրել որպեսզի Աղվան Հովսեփյանին «բան ասող չլինի» ու հայտարարել է բարձրաստիճան եկեղեցականների նեղ շրջանակում, որ քանի ինքը գահի վրա է, Աղվան Հովսեփյանը պետք է լինի պաշտոնի:

Այժմ, երբ արդեն հայտնի են դառնում թե ով է գնալու պատգամավոր, ակամա հարց է առաջանում, իսկ Գարեգին Բ-ն ոնց է կուլ տալու այն, որ իր հարազատ «ապարանյան կլանը» ներկայացված չի լինելու ԱԺ-ում:

 

Այս նյութը դիտել են - 2888 անգամ