2017-06-11 01:34:00
Արցախի նախագահ Բակո Սահակյանը հունիսի 10-ին այցելել է Մարտակերտի շրջան: Այս մասին տեղեկանում ենք Արցախի նախագահի աշխատակազմի տեղեկատվության գլխավոր վարչությունից:
Մատաղիսում նա հանդիպել է համայնքի անդամների հետ, ծանոթացել առկա խնդիրներին, համապատասխան հանձնարարականներ տվել հարցերի լուծման ուղղությամբ:
Մարտակերտում նախագահը նաեւ աշխատանքային խորհրդակցություն է անցկացրել շրջանային վարչակազմի եւ հիմնարկ-ձեռնարկությունների ներկայացուցիչների հետ:
Շրջանի սոցիալ-տնտեսական զարգացման, առկա խնդիրների եւ հեռանկարային ծրագրերի մասին զեկույց են ներկայացրել շրջվարչակազմի ղեկավար Վլադիկ Խաչատրյանը, այլ պաշտոնյաներ:
Բակո Սահակյանը նշել է, որ Մարտակերտի շրջանում նախատեսվում է իրականացնել ռազմավարական նշանակություն ունեցող տարբեր ծրագրեր՝ կոնկրետ հանձնարարականներ տալով աշխատանքների պատշաճ կատարման ուղղությամբ:
Այս նյութը դիտել են - 15345 անգամ