Ռոզա (Ռուզաննա) Սիրունյանն ավարտել է Երևանի պետական ժողտնտեսության ինստիտուտի տնտեսագիտության ֆակուլտետը՝ ստանալով տնտեսագետի որակավորում:

2000թ-ից է Հայաստանի պետական ֆիլհարմոնիկ նվագախմբում. նախ որպես գլխավոր տնօրենի տեղակալ, 2003թ-ից՝ տնօրենի պաշտոնակատար, իսկ 2005թ-ից՝ տնօրեն: Եղել է մի շարք նախագծերի և փառատոնների ֆինանսական պատասխանատուն։ 2017թ-ից Համահայկական նվագախմբի տնօրենն է նաև:

ՀՀ մշակույթի վաստակավոր գործիչ է։ 2013 թ-ից Երևանի ավագանու անդամ է:

Ռոզա Սիրունյանը 2012թ. պարգևատրվել է ՀՀ Մշակույթի նախարարության Ոսկե մեդալով, 2013թ.՝ ՀՀ Մշակույթի նախարարության «Նարեկացի» հուշամեդալով:

Ամուսնացած է, ունի երկու դուստր, երեք թոռ: