Արա­րատի նախկին ՀՅԴ-ական մարզպետ Արամայիս Գրիգորյանի ունեցվածքին չափ ու սահման չկա
2017-07-18 22:23:00

«Հայկական ժամանակ» թերթը գրում է. «Գրեթե միշտ սկանդալների կենտրոնում գտնվող՝ Արա­րատի նախկին ՀՅԴ-ական մարզպետ Արամայիս Գրիգորյանի ունեցվածքին չափ ու սահման չկա:

Վերջինս, 2017 թվականին ստան­ձնելով Արարատի մարզպետի պաշտոնը, հայտարարագրել է առանձնատուն, որին կից առկա է հողամաս և տնտեսական այլ շի­նություններ: Նա ունի երկու բնա­կարան՝ բազմաբնակարան շեն­քում, մեկ հողամաս, այգիներ, հա­սարակական և արտադրական նշանակության շինություններ:

Գրիգորյանն ունի «LEXUS ԼՏ 600 HL», «VAZ 2121», «MITSUBISHI PAJERO IO 2.0» մակնիշների մար­դատար երեք ավտոմեքենա և «ZIL MMZ-45021» մակնիշի բեռնատար մեքենա:

Գրիգորյանի կանխիկ դրամա­կան միջոցները կազմում են 776 հազար ԱՄՆ դոլար, 300 հազար ռու­սական ռուբլի և 961 մլն ՀՀ դրամ:

Գրիգորյանի տարեկան եկամուտը 77 մլն դրամ է, որից 30 մլն-ը երկու տարբեր շահաբաժիններից ստացված, 41 մլն-ն այլ եկամուտ, իսկ մնացածը գոյացել է աշխատավարձից:

Նշենք, որ Գրիգորյանն առաջին անգամ 2013 թվականին ստանձ­նելով մարզպետի պաշտոնը, իսկ 2014-ին բնապահպանության նա­խարարի՝ ևս ունեցել է նշյալ շարժական և անշարժ գույքերը, աճ­ման կարգով փոփոխության են են­թարկվել միայն դրամական մի­ջոցները:

Հավանաբար, Գրիգորյանն իր անծայրածիր կարողությունը հետ է գցել այն տարիներին, երբ զբաղեց­նում էր «Ավշարի» գինու գործարա­նի տնօրենի և «Արաքս» ՍՊԸ-ի փոխտնօրենի պաշտոնները»:

Մանրամասները՝ «Հայկական ժամանակ» թերթի այսօրվա համարում:

Այս նյութը դիտել են - 7709 անգամ