Հիշեցնենք, որ Սերոբ Գասպարյանին ձերբակալել էին 2024 թվականի սեպտեմբերի 18-ին: Նրան առաջադրվել է իշխանության յուրացման նախապատրաստական աշխատանքներ իրականացնելու մեղադրանք, իբր նա Ռուսաստանի ռազմական ճամբարներից մեկում հատուկ ջոկատ է մարզել, որ գան Հայաստան եւ իշխանափոխություն իրականացնեն: Սակայն գործն ամբողջությամբ կառուցված է մի քանի տարեց եւ խնդիրներ ունեցող մարդկանց ցուցմունքների վրա, որոնց հետ անգամ առերեսումներ չէին իրականացվում: Եվ չնայած փաստաբանների բազում միջնորդություններին` Սերոբ Գասպարյանի խափանման միջոցը չեն փոխում, նա մինչ օրս կալանավորված է: Նրա պաշտպանները պնդում են՝ Գասպարյանի կալանքի անընդհատ ձգձգումն իրավական որեւէ հիմք չունի, իսկ գործով անցնող վկաների ցուցմունքները ոչ այլ ինչ են, եթե ոչ իրենց սեփական ենթադրությունները։