2016-11-09 23:17:00
Զինապարտ քաղաքացիների անձնագրում օտարերկյա պետությունում վավերականության նշում կատարելու դեպքում զինվորական գրքույկ կամ զինհաշվառումը հավաստող այլ փաստաթուղթ պահանջվում է մինչև անձի 35 տարին լրանալը:
ԱՆՀՐԱԺԵՇՏ Է ԻՄԱՆԱԼ ՆԱԵՎ ՀԵՏԵՎՅԱԼԸ
Այն դեպքում, երբ անձը առողջական խնդիրների պատճառով ունի տարկետում և վերազննման նշանակման օրը մինչև 27 տարին լրանալն է, վավերականության նշումը կատարվում է տարկետման ժամկետով:
Այն դեպքում, երբ հերթական վերազննում անցնելու օրը 27 տարեկանից բարձր է, վավերականության նշում կատարվում է անձի ցանկությամբ, առանց սահմանափակման՝ մինչև 5 տարի ժամկետով:
Այն դեպքում, երբ վերը նշված գործողության համար դիմում է 27 տարին լրացած անձը, ով չի անցել մինչև 27 տարին լրանալը նշանակված վերազննումը, վավերականության նշում չի կատարվում: Առաջարկվում է դիմել զինվորական կոմիսարիատ, իր վրա դրված պարտականությունը կատարելու համար:
Նյութի աղբյուրը՝ ՀՀ ոստիկանության անձնագրային և վիզաների վարչության պետ Մնացական Բիչախչյանի ֆբ էջ