2017-01-30 01:04:00
Այսօր Հայկական բանակի հիմնադրման օրն է: Բանակը մեր երկրի հիմքն է և դժվար է պատկերացնել անկախպետականություն նման բարդ տարածաշրջանում առանց բանակի:
Բանակի վերաարժևորման առումով օրինակելի երկիր է Իսրայելը: Դժվար է այս երկրում պատկերացնել, որևէ պաշտոնատար անձի, որը չի ծառայել բանակում: Իսրայելում ծառայում են բոլորը, քանի որ երկրի պաշտպանությունը բոլորի պարտականությունն է:
Հայաստանում այս առումով հակառակ պատկերն է: Մեր երկրում կարելի է գտնել բազմաթիվ պաշտոնատար անձանց, որոնք չեն ծառայել Ազգային բանակում: Իհարկե նրանք ունեն իրենց հիմնավորումները, որ իրենք ավելի կարևոր գործով են զբաղված եղել, սակայն մի բան հստակ է թշնամիներով շրջապատված երկրի համար չի կարող պաշտպանությունից ավելի կարևոր հարց լինել:
Հետաքրքիր է, որ այս իշխանությունները նաև զինվորական մեդալներով են պարգևատրում նման գործիչների: Մեր կողմից նշված խնդրի վառ վկաներն են ՀՀԿ-ական չորս երիտասարդներ՝ Էդուարդ Շարմազանովը, Կարեն Ավագյանը, Արմեն Աշոտյանը և Տարոն Մարգարյանը: Նշված բոլոր անձիք էլ չեն ծառայել բանակում, սակայն չգիտես ինչու պարգևատրվել են զինվորական մեդալներով:
Էդուարդ Շարմազանովը պարգևատրվել է ՀՀ ՊՆ «Գարեգին Նժդեհ» մեդալով և «Անդրանիկ Օզանյան» մեդալով: Արմեն Աշոտյանը ՀՀ ՊՆ «Գարեգին Նժդեհ» մեդալով: Տարոն Մարգարյանը ՀՀ պաշտպանության նախարարության կողմից` «Գարեգին Նժդեհ» և «Անդրանիկ Օզանյան» մեդալներով, Երկրապահ կամավորականների միության կողմից` «Սպարապետ Վազգեն Սարգսյան» շքանշանով:
Այս գործիչները հաճախ հպարտանում են Ազգային բանակով նշում, որ այն մեր երկրի պարծանքն է: Որևէ մեկը մինչ այս օրը չի բացատրել, թե այս երիտասարդները ինչու չեն ծառայել, այդ ինչ ծառայություն են մատուցել մեր պետությանը: Բացի իրենց կարիերայից ինչ առաջընթաց են գրանցել:
Արմեն Աշոտյանն ու Կարեն Ավագյանը բժշկագիտության մեջ մեծ հայտանգործություն են արել, որը օգուտ է բերել մեր երկրին և բանակին, թե Էդուարդ Շարմազանովն ու Տարոն Մարգարյանն են անուրանալի ծառայություն մատուցել մեր պետությանը:
Իրականությունն այն է, որ նրանք բացի իրենց աթոռներին մնալու համար արված գործերից ոչինչ էլ չեն արել:Այս նյութը դիտել են - 1611 անգամ