Կարեն Ավագյանի բարեկեցության գաղտնիքը
2017-02-15 18:49:00
2017-02-15 18:49:00
Հայաստանում, ցավոք, շատ հիմնադրամները վաղուց դադարել են իրենց հիմնական նպատակին ծառայել: Սա ցավալի,բայց այլևս անհերքելի իրականություն է:Այս նյութը դիտել են - 2623 անգամ
Հայաստանում հարստանալու ամենակարճ ճանապարհներից մեկն էլ այս կամ այն հիմնադրամի գլխին կանգնելն ու ստացվող գումարները տակից ուտելն է դարձել: Փաստ է նաև այն,որ հարցը,թե ինչ կերպ են գոյանում թալանվող փողերը կամ ինչպես են ծախսվում,այնքան էլ մարդկանց չի հուզում, քանի որ քիչ չեն նաև այնպիսի հիմնադրամները,որոնք թեպետ իրենց եկամուտները ձևավորում են ամենևին էլ ոչ մասնավոր նվիրատվությունների արդյունքում,բայց երբեք չեն բարեհաճել գոնե ինչ-որ կերպ հաշվետվություն ներկայացնել ծախսված միջոցների վերաբերյալ, իսկ եթե նմանատիպ ինչ-որ բան արել էլ են,ապա արել են դա բացառապես ելնելով ընդունված կարգից ու այն էլ ոչ պատշաճ կեպով:
Անկասկած , նմանատիպ կառույցներից մեկն էլ ՀՀԿ երիտթևի ոչ այնքան երիտասարդ նախագահ Կարեն Ավագյանի կողմից երկար տարիներ ղեկավարվող Հայաստանի երիտասարդական հիմնադրամն է (ՀԵՀ) , որի գոյության բուն նպատակն այդպես էլ մինչև վերջ անհասկանալի է մնում :
Ի դեպ՝ նշենք , որ այս կառույցի ֆինանսական միջոցները հիմնականում գոյանում են հայաստանյան բուհերից ամեն տարի ստացվող միջոցներից , որ տնօրինվում են բացառապես Ավագյանի հայեցողությամբ (բուհերն իրենց բյուջետային միջոցների 2%-ը պարտադիր կարգով տրամադրում են ՀԵՀ - ին : Երևանի պոլիտեխնիկը անցյալ տարի ՀԵՀ - ին էր փոխանցել մոտ 30 մլն դրամ գումար, ի սկ ԵՊՀ-ն` ավելի քան 100 մլն դրամ) :
Իսկ համոզվելու համար , որ միլիոնավոր դրամները , մեղմ ասած , ամենևին էլ իրենց նպատակին չեն ծառայում , պետք է ընդամենը աչքաթող չանել այն իրողությունը, որ ՀԵՀ - ը երբեք առանձնապես աչքի չի ընկել իր թափանցիկ գործելաոճով՝ հապաղելով ինչպես հարկն է հաշվետվություն ներկայացնել սեփական գործունեության վերաբերյալ , այն մասին , թե հսկայական միջոցները հատկապես ինչի վրա են ծախսվում՝ միջոցներ , որ գլխավորապես գոյանում են շարքային հարկատուներիս հաշվին :
Մոտավոր պատկերացում կազմելու համար , թե հատկապես ինչ՝ հաճախ անիմաստ նպատակների վրա են ծախսվում ժողովրդի փողերը , հարկավոր է ընդամենը աչքի տակով անցկացնել Ավագյանի հիմնադրամի կազմակերպած միջոցառումների ցանկը . փուչիկների փառատոն , բնապահպանության , վերարտադրողական առողջության թեմաներով միջոցառումներ , ամանօրյա քեֆ - ուրախություն և այսպես շարունակ : Մի խոսքով՝ մի ողջ կրթական համակարգ ստիպված սեփական ուսերին է առել Կարեն Ավագյանի բարեկեցության մասին հոգածությունն ու հոժարակամորեն փորձում է բավարարել նրա քմահաճ կապրիզները :
Թե հանուն ինչի պետք է հանդուրժել Կարեն Ավագյանի հիմնադրամի չարաշահումները,ոչ ոքի հայտնի չէ: Ըստ էության` միայն այն,որ Ավագյանը հանդիսանում է ՀՀԿ երիտասարդական թևի առաջնորդը,արդեն իսկ տալիս է նրան արտոնություն` ուզածի պես վատնելու այն միլիոնները,որոնք նա երբեք չի վաստակել:
Հարց է առաջանում`մի՞թե ՊՌԱԿ-ներ ու ԾԻԳ-եր փակելու փոխարեն շատ ավելի տրամաբանական չէր լինի նմանատիպ կառույցների փակումը,մի՞թե սոցիալկան իմաստով սրանց փակումն ավելի արդարացված չէր լինի…
Եվ ուրեմն` ինչո՞ւ են հանդուրժում մի կառույցի գոյությունը,որը բացի փողեր վատնելուց,ուրիշ ոչնչի ընդունակ չէ ու դարձել է իսկական պատուհաս` Հայաստանի կրթական համակարգի գլխին:
Ալեքսանդր Գրիգորյան