ԱՄՆ-ում հանկարծահաս անտառային հրդեհը, որը բռնկվել էր մայրուղու վրա վթարի պատճառով, սպառնում է Քալիֆորնիայի Քալաբասաս քաղաքին: Մոտակա Topanga Canyon-ում զանգվածային տարհանում է հայտարարվել, հայտնում է ABC7-ը:

Հրդեհը սկսվել էր այն բանից հետո, երբ բեռնատարը քաղաքային մայրուղու վրա բախվել էր էլեկտրահաղորդման լարերի սյանը: Վթարից հետո բռնկվել էր բուսածածկ տարածքը, իսկ չոր եղանակի պատճառով հրդեհը տարածվել էր դեպի մոտակա անտառ՝ այրելով 1 քառ/կմ տարածք:

Մոտակա տներից անվտանգության նկատառումներով տարհանել են մարդկանց: Հրշեջների գնահատմամբ՝ կրակը սպառնում էր 3 հազար տների եւ շինությունների: Տարհանվել է մոտ 5000 մարդ: Ավելի ուշ նրանց թույլատրել էին վերադառնալ:

news.am